తెలంగాణలో మూడు కొత్త హైస్పీడ్ రైలు మార్గాలు – అభివృద్ధి దిశగా మరో అడుగు తెలంగాణ రాష్ట్రంలో రైల్వే మౌలిక వసతులను బలోపేతం చేయడానికి కేంద్రం, రాష్ట్ర ప్రభుత్వం కలిసి కీలక నిర్ణయాలు తీసుకుంటున్నాయి. ముఖ్యంగా హైదరాబాద్ నగరాన్ని దేశంలోని ప్రధాన మెట్రో నగరాలతో అనుసంధానించేందుకు మూడు హైస్పీడ్ రైలు మార్గాల ప్రాజెక్టులకు రంగం సిద్ధమైంది. ఈ మార్గాలు చెన్నై, బెంగళూరు, (Bangalore) అమరావతి నగరాలను లక్ష్యంగా చేసుకున్నాయి. బుల్లెట్ రైలు తరహా వేగవంతమైన ఈ మార్గాలు పూర్తికావడం ద్వారా హైదరాబాద్కి జాతీయ స్థాయిలో మరింత ప్రాధాన్యం లభించనుంది.
చెన్నై – హైదరాబాద్ హైస్పీడ్ కారిడార్
ఇప్పటికే చెన్నై–హైదరాబాద్ (hyderabad) రైలు మార్గానికి సంబంధించిన ప్రణాళికలు ఖరారయ్యాయి. సాధారణంగా కాజీపేట మీదుగా వెళ్లే మార్గం కాకుండా, నార్కట్పల్లి, సూర్యాపేట, కోదాడ మీదుగా కొత్త అలైన్మెంట్ను తుదికరించారు. ఈ మార్గంలో తెలంగాణ పరిధిలో 6–7 స్టేషన్లు ఏర్పడే అవకాశం ఉంది. ఈ మార్గం పూర్తయితే హైదరాబాద్ నుంచి చెన్నై ప్రయాణ సమయం గణనీయంగా తగ్గిపోతుంది.
Revanth Reddy
బెంగళూరు – హైదరాబాద్ హైస్పీడ్ కారిడార్
హైదరాబాద్–బెంగళూరు హైస్పీడ్ మార్గాన్ని నాగ్పూర్–హైదరాబాద్–బెంగళూరు గ్రీన్ఫీల్డ్ ఎక్స్ప్రెస్వేకు సమాంతరంగా ప్రతిపాదించారు. ఈ ప్రాజెక్టు కోసం మూడు రకాల అలైన్మెంట్లు సిద్ధం చేశారు. రాష్ట్ర పరిధిలో 4–5 స్టేషన్లు ఏర్పాటు చేసే అవకాశం ఉంది. దీనివల్ల ఐటీ రంగం ప్రధాన కేంద్రాలైన హైదరాబాద్, బెంగళూరుల మధ్య వ్యాపారం, పరిశ్రమలు మరింత వేగవంతమవుతాయి.
అమరావతి హైస్పీడ్ మార్గం
హైదరాబాద్ నుంచి అమరావతి (Amaravati) కి హైస్పీడ్ రైలు మార్గాన్ని కూడా తెలంగాణ ప్రభుత్వం ప్రాధాన్యతగా తీసుకుంది. గ్రీన్ఫీల్డ్ ఎక్స్ప్రెస్వేకు సమాంతరంగా ఈ మార్గాన్ని అభివృద్ధి చేయాలని రాష్ట్రం కోరగా, కేంద్రంతో చర్చలు కొనసాగుతున్నాయి. ఈ ప్రాజెక్టు ఆంధ్రప్రదేశ్ రాజధాని అమరావతిని హైదరాబాద్తో నేరుగా అనుసంధానించనుంది.
రీజనల్ రింగ్ రైలు ప్రాజెక్టు
హైస్పీడ్ మార్గాలతో పాటు, రీజనల్ రింగ్ రోడ్ (ఆర్ఆర్ఆర్) (RRR) కు పక్కనే రీజనల్ రింగ్ రైలు మార్గాన్ని నిర్మించాలని నిర్ణయించారు. ఇందుకోసం ఆర్ఆర్ఆర్ పొడవునా 45 మీటర్ల వెడల్పు భూమి అవసరమని రైల్వే అధికారులు సూచించారు. ఈ రింగ్ రైలు మార్గం పూర్తయితే హైదరాబాద్ చుట్టుపక్కల ఉన్న పట్టణాలు, గ్రామాల రవాణా సౌకర్యాలు మరింత మెరుగుపడతాయి.
కొత్త రైల్వే లైన్లపై దృష్టి
ఈ హైస్పీడ్ ప్రాజెక్టులతో పాటు, వికారాబాద్–కృష్ణా, డోర్నకల్–గద్వాల, కల్వకుర్తి–మాచర్ల వంటి కొత్త రైల్వే లైన్లపై కూడా ప్రభుత్వం చర్చలు జరుపుతోంది. ఇవి రాష్ట్రంలో రైల్వే నెట్వర్క్ను విస్తరించి, ప్రాంతీయ అనుసంధానాన్ని పెంచుతాయి.
Q1: తెలంగాణలో ఎన్ని హైస్పీడ్ రైలు మార్గాలు ప్రతిపాదించబడ్డాయి?
A1: మూడు హైస్పీడ్ రైలు మార్గాలు – హైదరాబాద్ నుంచి చెన్నై, బెంగళూరు, అమరావతి.
Q2: ఈ మార్గాలను నిర్మించడానికి ఎవరు ముందుకొచ్చారు?
A2: కేంద్ర ప్రభుత్వం సుముఖత వ్యక్తం చేయగా, రాష్ట్ర ప్రభుత్వం కూడా పూర్తి సహకారం అందిస్తోంది.
Read hindi news:hindi.vaartha.com
Read Also: