తెలంగాణ రాష్ట్రంలో నేడు (మే 13, 2025) రాష్ట్ర స్థాయి పాలీసెట్ (TS POLYCET – Polytechnic Common Entrance Test) పరీక్షను విజయవంతంగా నిర్వహించేందుకు అధికారులు అన్ని ఏర్పాట్లు పూర్తిచేశారు. ఈ పరీక్ష ద్వారా రాష్ట్రవ్యాప్తంగా ఉన్న ప్రభుత్వ మరియు ప్రైవేట్ పాలిటెక్నిక్ కాలేజీలలో డిప్లొమా కోర్సులకు ప్రవేశాలను కల్పించనున్నారు.
ఈ పరీక్ష ద్వారా విద్యార్థులు ఇంజనీరింగ్, నాన్ ఇంజనీరింగ్, వ్యవసాయ, ఉద్యానవన మరియు వెటర్నరీ రంగాలలో మూడు సంవత్సరాల డిప్లొమా (Diploma) కోర్సులకు అడ్మిషన్ పొందే అవకాశం కలుగుతుంది. ఇది విద్యార్థుల భవిష్యత్కు ఆర్థికంగా సాధ్యమైన, దోహదపడే విద్యా మార్గంగా అభివర్ణించవచ్చు.
పరీక్ష వివరాలు:
పరీక్ష ఈరోజు ఉదయం 11:00 గంటల నుంచి మధ్యాహ్నం 1:30 వరకు జరగనుంది. అందుకోసం రాష్ట్రవ్యాప్తంగా ఉన్న 276 పరీక్ష కేంద్రాలను సిద్దం చేయగా 1,06,716 మంది విద్యార్థులు పరీక్షకు హాజరవుతున్నారని అధికారులు తెలిపారు.
విద్యార్థులకు ముఖ్య సూచనలు:
విద్యార్థులు ఉదయం 10:00 గంటలకే పరీక్ష కేంద్రం వద్ద హాజరుకావాలి. 11:00 గంటల తర్వాత తరువాత ఒక్క నిమిషం ఆలస్యమైనా లోపలికి అనుమతి లేదు. విద్యార్థులు HB బ్లాక్ పెన్సిల్, ఎరేసర్, బ్లూ లేదా బ్లాక్ బాల్ పెన్ పరీక్షకు తీసుకురావాల్సి ఉంటుంది. హాల్ టికెట్పై ఫోటో లేకపోతే, విద్యార్థులు తప్పనిసరిగా ఒక పాస్పోర్ట్ సైజు ఫోటో, ఐడీ ప్రూఫ్ తీసుకురావాలని అధికారులు స్పష్టం చేశారు. అలానే సెల్ఫోన్లు, ఇతర ఎలక్ట్రానిక్ పరికరాలు పరీక్ష కేంద్రం లోకి అనుమతించబడవు.
పరీక్ష కేంద్రం ఎలా గుర్తించాలి?
విద్యార్థులు తమ పరీక్ష కేంద్రాన్ని సులభంగా గుర్తించేందుకు రాష్ట్ర సాంకేతిక విద్యా మండలి (SBTET) అందించిన “SBTET TG” యాప్ ను గూగుల్ ప్లే స్టోర్ నుండి డౌన్లోడ్ చేసుకోవచ్చు. అందులోని “POLYCET Exam Center Locator” టాబ్ ఓపెన్ చేసి మీ హాల్ టికెట్ నంబర్ లేదా ఇతర వివరాలు ఎంటర్ చేస్తే, మీ పరీక్ష కేంద్రం స్థానం మ్యాప్తో సహా చూపించబడుతుంది.
Read also: Rains : జూన్ 5లోపు రాష్ట్రంలోకి నైరుతి రుతుపవనాలు?