డిజిటల్ యుగంలో వినోదంగా ప్రారంభమైన ఆన్లైన్ బెట్టింగ్ (Online Betting), ఎంతోమంది జీవితాల్లో చీకటి దృష్టిని వేసింది. ఆర్థిక నష్టాలతో పాటు మానసికంగా పలువురు ఈ గేమ్ల బారినపడి తీవ్ర పరిణామాలకు లోనవుతున్నారు. చేసిన అప్పులు తీర్చే మార్గం లేక పలువురు ఆత్మహత్య చేసుకున్న ఘటనలు చూశాం.
ఆర్థిక సంక్షోభం.. చివరకు విషాదం
తాజాగా హైదరాబాద్లోని వనస్థలిపురం (Vanasthalipuram) పోలీస్ స్టేషన్ పరిధిలో చోటుచేసుకున్న ఘటనలో ఓ పోస్టల్ ఉద్యోగి జీవితాన్ని గడిపిన బెట్టింగ్ బాధలు బలి చేశాయి. విజయనగరం జిల్లా బొబ్బిలికి చెందిన నరేశ్, పోస్టల్ డిపార్ట్మెంట్లో పనిచేస్తూ, కుటుంబంతో కలిసి వనస్థలిపురంలోని ఓ కాలనీలో నివసించేవాడు.
బెట్టింగ్ వ్యసనంతో పెరిగిన అప్పులు
కొన్ని సంవత్సరాలుగా ఆన్లైన్ బెట్టింగ్లలో అలవాటు పడిన నరేశ్, క్రమంగా లక్షల రూపాయలు కోల్పోయాడు. చివరకు సుమారు రూ.15 లక్షల అప్పు చేసినట్లు తెలుస్తోంది. ఇటీవల అనారోగ్య సమస్యలతో ఉద్యోగానికి దూరంగా ఉండడంతో, అప్పుల భారం మరింతగా మానసిక ఒత్తిడికి గురిచేసింది.
సూసైడ్ నోట్లో ఆవేదన
ఇంట్లో ఎవరూ లేని సమయంలో నరేశ్ (Naresh) బలవన్మరణానికి పాల్పడ్డాడు. అతడి సూసైడ్ నోట్లో, “బెట్టింగ్ గేమ్స్ ఆడకూడదని తెలిసినా, ఆ అలవాటును మానలేకపోయాను. అప్పుల భారాన్ని భరించలేక చావే మార్గంగా అనిపించింది” అనే సూసైడ్ నోట్లో పేర్కొన్నాడు.
పోలీసులు దర్యాప్తు ప్రారంభించారు
విషయం తెలిసిన వెంటనే వనస్థలిపురం పోలీసులు కేసు నమోదు చేసి దర్యాప్తు ప్రారంభించారు. నరేశ్ కుటుంబ సభ్యులు తీవ్ర విషాదంలో మునిగిపోయారు. ఈ ఘటన ఆన్లైన్ బెట్టింగ్ (Online Betting) ప్రమాదకరతను మరోసారి తెలుస్తుంది.
Read hindi news: hindi.vaartha.com
Read also: