Minister Uttam : సన్నబియ్యం పంపిణీపై ప్రభుత్వం మరో కీలక నిర్ణయం తెలంగాణలో సన్నబియ్యం పంపిణీపై రాష్ట్ర ప్రభుత్వం మరో కీలక నిర్ణయం తీసుకుంది. ఈ మేరకు మంత్రి ఉత్తమ్ కుమార్ రెడ్డి అధికారిక ప్రకటన చేశారు. ఈ కొత్త విధానంతో అర్హులైన ప్రతి కుటుంబానికి నాణ్యమైన బియ్యం అందించే దిశగా ప్రభుత్వం ముందుకు సాగుతోంది.తెల్ల రేషన్ కార్డు దారులకు మూడు రంగుల కార్డులు, అంతకన్నా ఉన్నత స్థాయికి చెందిన వారికి గ్రీన్ కార్డులను అందించేందుకు ప్రభుత్వం సన్నాహాలు పూర్తి చేసుకుంది. ఈ చర్యల ద్వారా ప్రజలకు మరింత పారదర్శకమైన విధానాన్ని అందించాలన్నదే ప్రభుత్వ లక్ష్యం.రేపటి నుంచి తెలంగాణ వ్యాప్తంగా ఈ కొత్త విధానాన్ని అమలు చేయనున్నట్లు మంత్రి ఉత్తమ్ కుమార్ రెడ్డి ప్రకటించారు.
ముఖ్యమంత్రి రేవంత్ రెడ్డి చేతుల మీదుగా ఈ కార్యక్రమాన్ని ప్రారంభించనున్నారు.ఈ కార్యక్రమంలో మొత్తం మంత్రివర్గ సభ్యులు, ఎంపీలు హాజరవుతారని మంత్రి వెల్లడించారు.శనివారం నాడు మెల్లచెరువు, చింతలపాలెం, మఠంపల్లి మండలాల కాంగ్రెస్ నేతలతో నిర్వహించిన సమావేశంలో మంత్రి ఉత్తమ్ కుమార్ రెడ్డి పాల్గొన్నారు. ఈ సందర్భంగా ఆయన మీడియాతో మాట్లాడుతూ, “రాష్ట్రంలో 84 శాతం ప్రజలకు మేలు చేసే కార్యక్రమం చేపట్టబోతున్నాం” అని తెలిపారు.ప్రభుత్వం తీసుకుంటున్న ఈ నిర్ణయం ద్వారా రాష్ట్రంలోని పెద్దసంఖ్యలోని ప్రజలకు లబ్ధి చేకూరనుంది. రేషన్ కార్డు ఆధారంగా సరుకుల పంపిణీలో మరింత పారదర్శకత తీసుకురావడమే ప్రభుత్వ లక్ష్యమని మంత్రి ఉత్తమ్ కుమార్ రెడ్డి స్పష్టం చేశారు.