తెలంగాణలో ఇంజినీరింగ్ విద్యార్థులకు రాష్ట్ర ప్రభుత్వం శుభవార్త అందించింది. ఉస్మానియా, JNTU పరిధిలోని ఇంజినీరింగ్ కాలేజీల్లో 2024-25 విద్యా సంవత్సరానికి డిటెన్షన్ విధానం అమలు చేయబోమని మంత్రి దామోదర రాజనర్సింహ ప్రకటించారు. ఈ ప్రకటన విద్యార్థులకు ఊరట కలిగించే విషయమైంది.
ఆసెంబ్లీలో MIM నేత అక్బరుద్దీన్ ఓవైసీ అడిగిన ప్రశ్నకు మంత్రి దామోదర రాజనర్సింహ సమాధానమిచ్చారు. ఆయన మాట్లాడుతూ.. విద్యార్థుల భవిష్యత్తును దృష్టిలో పెట్టుకొని ఈ నిర్ణయం తీసుకున్నామని తెలిపారు. డిటెన్షన్ విధానం కారణంగా విద్యార్థులు తీవ్ర ఒత్తిడిని ఎదుర్కొంటున్నారని, వారి చదువును సజావుగా కొనసాగించేందుకు ప్రభుత్వం ఈ చర్య చేపట్టిందని చెప్పారు.
ఇంజినీరింగ్ విద్యార్థులు పలు అంశాల్లో మెరుగైన ప్రతిభను కనబర్చాలని ప్రభుత్వం భావిస్తోంది. ఇలాంటి సంస్కరణలు విద్యార్థులకు మంచి అవకాశాలు కల్పించడంతో పాటు వారి భవిష్యత్తు పై ఒత్తిడిని తగ్గిస్తాయని మంత్రి స్పష్టం చేశారు. ఈ నిర్ణయం ద్వారా విద్యార్థులు మరింత ఉత్సాహంతో చదువులు కొనసాగించగలుగుతారని ఆయన అభిప్రాయపడ్డారు. ఈ ప్రకటనపై విద్యార్థులు హర్షం వ్యక్తం చేస్తున్నారు. డిటెన్షన్ విధానం లేకపోవడం వల్ల మళ్లీ పరీక్షలలో ఉత్తీర్ణత సాధించేందుకు ఎక్కువ అవకాశాలు లభిస్తాయని, వారి విద్యా ప్రయాణం ఆపకుండా ముందుకు సాగుతుందని పేర్కొన్నారు.