మేడారం సమ్మక్క సారలమ్మ జాతర (Medaram jatara) సందర్భంగా ప్రతి సంవత్సరం ఎదురయ్యే విద్యుత్ అంతరాయాలు, ప్రమాదాలను నివారించేందుకు తెలంగాణ విద్యుత్ శాఖ ఈసారి ప్రత్యేక ప్రణాళికను సిద్ధం చేసింది. భక్తులకు నిరంతరాయ విద్యుత్ సరఫరా అందించడానికి రూ. 4 కోట్లతో 37 కిలోమీటర్ల మేర కవర్డ్ కండక్టర్ వ్యవస్థను ఏర్పాటు చేస్తున్నారు. చెట్ల కొమ్మలు విద్యుత్ తీగలపై పడటం, వర్షాలు, గాలులు కారణంగా తీగలు తెగిపోవడం, దుకాణదారులు నేరుగా విద్యుత్ లైన్లను వినియోగించడం వంటి సమస్యలను నివారించడానికే ఈ చర్యలు తీసుకుంటున్నారు. కవర్డ్ కండక్టర్ అంటే అల్యూమినియం తీగ చుట్టూ ఇన్సులేషన్ పొర ఉండే తీగలు, ఇవి షార్ట్ సర్క్యూట్లను నిరోధించడంలో చాలా ఉపయోగపడతాయి.
Medaram: మేడారం జాతరకు ఏర్పాట్లు: విద్యుత్ చౌర్యం ఇక కుదరదు
Read also: Andesri Death : తెలంగాణ కవి అందెశ్రీకు హరీష్ రావు నివాళులు…
విద్యుత్ అంతరాయాలు లాంటి సమస్యలు తగ్గుతాయని
తాడ్వాయి మండలం కాటాపూర్ ప్రాంతంలో ఇప్పటికే 3 కిలోమీటర్ల మేర ప్రయోగాత్మకంగా ఈ వ్యవస్థను అమలు చేశారు. ఈ వ్యవస్థ ఖర్చు సాధారణ తీగల కంటే నాలుగు రెట్లు ఎక్కువైనా, భద్రత మరియు నిరంతర విద్యుత్ సరఫరా దృష్ట్యా ఇది అవసరమని అధికారులు చెబుతున్నారు. జాతర సమయంలో విద్యుత్ చౌర్యం, షార్ట్ సర్క్యూట్లు, విద్యుత్ అంతరాయాలు లాంటి సమస్యలు తగ్గుతాయని, భక్తులు సురక్షితంగా, నిరంతరాయంగా విద్యుత్తు పొందగలరని ప్రభుత్వం నమ్ముతోంది.
Read hindi news: hindi.vaartha.com
Epaper : epaper.vaartha.com/
Read Also:
