Medak Municipal Election: మెదక్ జిల్లాలో మున్సిపల్ ఎన్నికల నిర్వహణకు సర్వం సిద్ధమైంది. ఎన్నికల ప్రక్రియ అత్యంత పారదర్శకంగా, సాఫీగా సాగాలని జిల్లా ఎన్నికల అధికారి, కలెక్టర్ రాహుల్ రాజ్ అధికారులను ఆదేశించారు. సోమవారం కలెక్టర్ క్యాంపు కార్యాలయం నుండి జిల్లా ఎన్నికల అధికారులతో ఆయన టెలి కాన్ఫరెన్స్ నిర్వహించి, ఏర్పాట్లపై దిశానిర్దేశం చేశారు.
Read Also: BRS vs Congress Municipal Elections: రేవంత్ రెడ్డిపై హరీష్ రావు సంచలన వ్యాఖ్యలు
ఉదయం 9 గంటలకల్లా రిపోర్ట్ చేయాలి
జిల్లాలోని నాలుగు మున్సిపాలిటీల్లో ఎన్నికల నిర్వహణకు సంబంధించి మిగిలి ఉన్న పనులన్నీ తక్షణమే పూర్తి చేయాలని కలెక్టర్ స్పష్టం చేశారు. ఎన్నికల విధుల్లో పాల్గొనే సిబ్బంది అందరూ రేపు ఉదయం 9 గంటల కల్లా తమకు కేటాయించిన డిస్ట్రిబ్యూషన్ కేంద్రాల్లో రిపోర్ట్ చేయాలని ఆదేశించారు. సిబ్బందికి ఎటువంటి ఇబ్బందులు కలగకుండా కేంద్రాల్లో తగినన్ని కౌంటర్లు ఏర్పాటు చేయాలని సూచించారు.
పోలింగ్ కేంద్రాలకు ఎస్కార్ట్ వాహనాలతో ప్రయాణం
రిటర్నింగ్ అధికారులు (ROs), జోనల్ అధికారులు తమకు కేటాయించిన ఎన్నికల సామగ్రిని నిశితంగా పరిశీలించుకోవాలని కలెక్టర్ తెలిపారు. సామాగ్రిని తీసుకున్న తర్వాత, పోలీసు ఎస్కార్ట్ వాహనాలతో సురక్షితంగా పోలింగ్ కేంద్రాలకు బయలుదేరాలని ఆదేశించారు. మున్సిపల్ అధికారులు పోలింగ్ కేంద్రాల వద్ద సిబ్బందికి అవసరమైన అన్ని మౌలిక వసతులు మరియు సౌకర్యాలు కల్పించాలని పేర్కొన్నారు.
Medak Municipal Election: ఎన్నికల సంఘం నిబంధనల పాటింపు
పోలింగ్ ప్రక్రియలో ప్రతి అడుగు ఎన్నికల సంఘం నియమ నిబంధనలకు అనుగుణంగా ఉండాలని కలెక్టర్ రాహుల్ రాజ్ స్పష్టం చేశారు. పోలింగ్ కేంద్రాల్లో పత్రాలను నింపేటప్పుడు నిబంధనలను ఖచ్చితంగా పాటించాలని సూచించారు. ఈ టెలి కాన్ఫరెన్స్లో అదనపు కలెక్టర్ నగేష్, మున్సిపల్ కమిషనర్లు, జిల్లా సైన్స్ అధికారి రాజిరెడ్డి మరియు ఇతర ఎన్నికల అధికారులు పాల్గొన్నారు.
Read hindi news: hindi.vaartha.com
Epaper: epaper.vaartha.com
Read Also: