Mallikarjun Goud Arrest: మెదక్ పట్టణంలో మున్సిపల్ ఎన్నికల వేళ రాజకీయ వాతావరణం వేడెక్కింది. మున్సిపల్ మాజీ చైర్మన్, బిఆర్ఎస్ నాయకుడు మల్లికార్జున్ గౌడ్ను శనివారం ఉదయం పట్టణ పోలీసులు అరెస్ట్ చేశారు. మున్సిపల్ ఎన్నికల నేపథ్యంలో ఇమ్రాన్ ఖాన్ అనే వ్యక్తిని ఇంట్లో బంధించి బెదిరించారనే ఆరోపణలపై పోలీసులు ఈ చర్య తీసుకున్నారు. అయితే, కోర్టులో ప్రవేశపెట్టిన అనంతరం న్యాయస్థానం ఆయనకు వ్యక్తిగత పూచీకత్తుపై బెయిల్ మంజూరు చేసింది.
Read Also: Kokapet Lands : కోకాపేట భూములు శారదా పీఠానికే ఇవ్వండి – సీఎం రేవంత్
పోలీసుల తీరుపై పద్మా దేవేందర్ రెడ్డి మండిపాటు
మాజీ ఎమ్మెల్యే, బిఆర్ఎస్ నాయకురాలు ఎం. పద్మా దేవేందర్ రెడ్డి పోలీసుల తీరును తీవ్రంగా తప్పుపట్టారు. అధికార కాంగ్రెస్ పార్టీ కనుసన్నల్లో పోలీసులు పనిచేస్తున్నారని ఆరోపించారు. హైకోర్టు స్టే ఇచ్చినప్పటికీ, సుప్రీంకోర్టు మార్గదర్శకాలను ఉల్లంఘించి మల్లికార్జున్ గౌడ్ను తెల్లవారుజామున అరెస్ట్ చేయడం దారుణమన్నారు. తమ పార్టీ కార్యకర్తలపై దాడులు జరిగితే ఫిర్యాదు చేసినా పట్టించుకోని పోలీసులు, అధికార పార్టీ నాయకులు చెప్పినట్లు అక్రమ కేసులు బనాయిస్తున్నారని ఆగ్రహం వ్యక్తం చేశారు. ఈ విషయంలో తాము హెచ్ఆర్సీ మరియు ఎస్సీ, ఎస్టీ కమిషన్ను ఆశ్రయిస్తామని హెచ్చరించారు.
Mallikarjun Goud Arrest: కుట్ర పూరితంగానే కేసులు: మల్లికార్జున్ గౌడ్
బెయిల్ పొందిన అనంతరం మల్లికార్జున్ గౌడ్ మాట్లాడుతూ.. ఎన్నికల నోటిఫికేషన్ వచ్చినప్పటి నుంచి కాంగ్రెస్ నాయకులు, స్థానిక ఎమ్మెల్యే కుట్రపన్ని తనపై అక్రమ కేసులు పెడుతున్నారని ఆరోపించారు. పోలీసులు కుటుంబ సభ్యులను భయభ్రాంతులకు గురిచేస్తూ అత్యుత్సాహం ప్రదర్శించారని, చట్టాన్ని అతిక్రమించిన అధికారులను న్యాయస్థానానికి ఈడుస్తామని స్పష్టం చేశారు.
మల్లికార్జున్ గౌడ్కు బెయిల్ రావడంతో కోర్టు వద్దకు భారీగా చేరుకున్న బిఆర్ఎస్ కార్యకర్తలు హర్షం వ్యక్తం చేస్తూ ఆయనకు మద్దతుగా నిలిచారు.
hindi news: hindi.vaartha.com
Epaper: epaper.vaartha.com
Read Also :