తెలంగాణ రాష్ట్రంలోని యూనివర్సిటీల్లో అధ్యాపకుల(Lecturer Jobs) కొరత తీవ్ర స్థాయికి చేరింది. మొత్తం 2,878 మంజూరు పోస్టులు ఉండగా, అందులో కేవలం 753 మంది మాత్రమే రెగ్యులర్ ఉద్యోగులుగా సేవలందిస్తున్నారు. మిగిలిన 2,125 పోస్టులు ఖాళీగా ఉండటంతో విద్యా బోధన పూర్తిగా కాంట్రాక్టు, గెస్ట్ లెక్చరర్లపై ఆధారపడాల్సిన పరిస్థితి నెలకొంది.
Read Also: RBI Jobs: పదవ తరగతి అర్హతతో RBIలో 572 ఉద్యోగాలు
నియామక ప్రక్రియకు అడ్డంకిగా ఆందోళనలు
ఈ ఖాళీలను(Lecturer Jobs) భర్తీ చేయాలనే ఉద్దేశంతో ప్రభుత్వం 2018లోనే అనుమతులు ఇచ్చినా, నియామక ప్రక్రియ మాత్రం ఇప్పటికీ పూర్తి కాలేదు. నియామకాల్లో తమకు ప్రాధాన్యం కల్పించాలని కోరుతూ కాంట్రాక్టు లెక్చరర్లు చేపట్టిన నిరసనలు ఈ ప్రక్రియ నిలిచిపోవడానికి ప్రధాన కారణంగా మారినట్లు తెలుస్తోంది.
2013 తర్వాత నియామకాలు లేవు
యూనివర్సిటీల్లో చివరిసారిగా రెగ్యులర్ అధ్యాపక నియామకాలు 2013లోనే జరగడం గమనార్హం. అప్పటి నుంచి కొత్త పోస్టులు భర్తీ కాకపోవడంతో విద్యార్థులపై, పరిశోధన కార్యక్రమాలపై తీవ్ర ప్రభావం పడుతున్నట్లు నిపుణులు చెబుతున్నారు.
ప్రభుత్వానికి విద్యాశాఖ ప్రతిపాదనలు
ఖాళీల భర్తీకి సంబంధించి విద్యాశాఖ ఇప్పటికే ప్రభుత్వానికి ప్రతిపాదనలు పంపినట్లు సమాచారం. త్వరలోనే దీనిపై స్పష్టమైన నిర్ణయం తీసుకుని నియామక ప్రక్రియను ప్రారంభించాలని అధ్యాపక సంఘాలు, విద్యార్థి సంఘాలు డిమాండ్ చేస్తున్నాయి. రెగ్యులర్ పోస్టులు భర్తీ చేస్తేనే యూనివర్సిటీల్లో విద్యా ప్రమాణాలు మెరుగుపడతాయని వారు అభిప్రాయపడుతున్నారు.
Read hindi news: hindi.vaartha.com
Epaper: epaper.vaartha.com
Read Also: