తెలంగాణ రాజకీయాల్లో తీవ్ర విషాదం నెలకొంది. రంగారెడ్డి జిల్లా చేవెళ్ల నియోజకవర్గానికి మాజీ ఎమ్మెల్యేగా పనిచేసిన కొండా లక్ష్మారెడ్డి(Konda Lakshma Reddy) (84) సోమవారం తెల్లవారుజామున హైదరాబాద్లో(Hyderabad) కన్నుమూశారు. కొంతకాలంగా అనారోగ్యంతో బాధపడుతున్న ఆయన అపోలో ఆసుపత్రిలో చికిత్స పొందుతూ ఉదయం 5.30 గంటల సమయంలో తుదిశ్వాస విడిచారు. కుటుంబసభ్యుల సమాచారం ప్రకారం, ఆయన అంత్యక్రియలు హైదరాబాద్ మహాప్రస్థానంలో మధ్యాహ్నం 3 గంటలకు జరగనున్నాయి.
Bihar Elections:ఎన్నికల వేడిలో షాపులకు పండగే పండగ
మాజీ ఎమ్మెల్యే చివరి క్షణాలు – రాజకీయ, జర్నలిజం రంగాల్లో విశిష్ట సేవలు
కొండా లక్ష్మారెడ్డి(Konda Lakshma Reddy) ఉమ్మడి ఆంధ్రప్రదేశ్ రాష్ట్రంలో కాంగ్రెస్ పార్టీకి కీలక నేతగా నిలిచారు. ఆయన ఏపీసీసీ ప్రతినిధి, గ్రీవెన్స్ సెల్ ఛైర్మన్ వంటి పలు పదవుల్లో సేవలందించారు. 1999 మరియు 2014లో హైదరాబాద్ లోక్సభ స్థానం నుంచి పోటీ చేసినప్పటికీ విజయాన్ని సాధించలేకపోయారు. జర్నలిజం పట్ల ఆసక్తి కారణంగా 1980లో “NSS వార్తా సంస్థ”ను స్థాపించారు. అలాగే జూబ్లీహిల్స్ జర్నలిస్ట్స్ కోఆపరేటివ్ హౌసింగ్ సొసైటీ, హైదరాబాద్ ప్రెస్ క్లబ్ అధ్యక్షుడిగా కూడా సేవలందించారు. ఉమ్మడి ఏపీలో మంత్రిగా పనిచేసిన కొండా వెంకట రంగారెడ్డి మనవడైన లక్ష్మారెడ్డి మరణం పట్ల రాజకీయ వర్గాలు, జర్నలిస్టులు తీవ్ర సంతాపం వ్యక్తం చేస్తున్నారు.
తెలంగాణ ముఖ్యమంత్రి రేవంత్ రెడ్డి సైతం కొండా లక్ష్మారెడ్డి మృతిపై సంతాపం ప్రకటించారు. ఎన్ఎస్ఎస్ స్థాపకుడిగా, ఎమ్మెల్యేగా, ప్రెస్ క్లబ్ అధ్యక్షుడిగా ఆయన చేసిన సేవలు చిరస్మరణీయమని పేర్కొన్నారు. ఆయన కుటుంబ సభ్యులకు సీఎం సానుభూతి తెలిపారు.
కొండా లక్ష్మారెడ్డి ఎవరు?
కొండా లక్ష్మారెడ్డి రంగారెడ్డి జిల్లా చేవెళ్ల నియోజకవర్గానికి మాజీ ఎమ్మెల్యే మరియు కాంగ్రెస్ పార్టీ సీనియర్ నాయకుడు.
ఆయన ఎప్పుడు కన్నుమూశారు?
2025 అక్టోబర్ 13న తెల్లవారుజామున 5.30 గంటలకు హైదరాబాద్లో తుదిశ్వాస విడిచారు.
Read hindi news: hindi.vaartha.com
Epaper : https://epaper.vaartha.com/
Read Also:
