(SLBC) టన్నెల్ కూలిన ప్రమాదంలో చిక్కుకున్న కార్మికుల కోసం అన్వేషణ ఇంకా కొనసాగుతుండడం, ఈ నేపథ్యంలో వారి ఆనవాళ్లను గుర్తించేందుకు ప్రత్యేకంగా కేరళ నుంచి జాగిలాలు తెప్పించిన అధికారులు.సొరంగం కూలడంతో అందులో పేరుకుపోయిన మట్టిని జాగ్రత్తగా తొలగిస్తున్నారు. ఈ క్రమంలో గల్లంతైన వారిని గుర్తించడంలో కొంత పురోగతి కనిపించింది.
ప్రమాదం వివరాలు
శ్రీశైలం ఎడమగట్టు కాలువ (SLBC) టన్నెల్ దీని పనులు ఐదేళ్లుగా వాయిదా పడిన తర్వాత ఇటీవలే మళ్లీ ప్రారంభమయ్యాయి. అయితే, ఫిబ్రవరి 22న ఉదయం, టన్నెల్ బోరింగ్ జరుగుతున్న సమయంలో టన్నెల్ఒక్కసారిగా కుప్పకూలడం వల్ల ప్రమాదం సంభవించింది.ఈ ప్రమాద సమయంలో టన్నెల్ లోపల మొత్తం 50 మంది కార్మికులుఉన్నారు. కూలిన ప్రాంతానికి ఈవైపు ఉన్న 42 మంది కార్మికులు సురక్షితంగా బయటపడ్డారు. కానీ, టన్నెల్ బోరింగ్ యంత్రం మరోవైపున ఉన్న 8 మంది కార్మికులు మట్టిలో పూర్తిగా కూరుకుపోయారు.
సహాయక చర్యలు
కూలిన టన్నెల్ లోపల భారీగా మట్టి పేరుకుపోవడం వల్ల సహాయక చర్యలు కష్టతరంగా మారాయి. కేరళ నుంచి ప్రత్యేక శునకదళాన్ని రప్పించి టన్నెల్ లోపల వారి మృతదేహాల ఆనవాళ్లను గుర్తించే ప్రయత్నం చేశారు.జాగిలాలు 100 మీటర్ల దూరంలోని D-2 పాయింట్ వద్ద కార్మికుల ఆనవాళ్లను గుర్తించినట్టు అధికారులు వెల్లడించారు. దీంతో, గల్లంతైన కార్మికులు ఆ ప్రాంతంలోనే ఉండొచ్చని భావిస్తున్నారు. సహాయక బృందాలు మట్టిని తొలగించడంలో అత్యంత జాగ్రత్తలు తీసుకుంటున్నారు, ఎందుకంటే మరోసారి టన్నెల్ కూలకుండా చూడాలి. టన్నెల్ లోపల గాలివ్యవస్థను మెరుగుపరచి సహాయక చర్యల వేగాన్ని పెంచేందుకు ప్రయత్నిస్తున్నారు.
ఈ ప్రమాదంపై ప్రజల్లో ఆగ్రహం వ్యక్తమవుతోంది. భద్రతా ప్రమాణాలు పాటించకపోవడం, పనులను నిర్లక్ష్యంగా చేయడం వల్లనే ఈ ప్రమాదం సంభవించిందని విమర్శలు వెల్లువెత్తుతున్నాయి. బాధితుల కుటుంబాలు ప్రభుత్వం తక్షణ సహాయం అందించాలనీ,డిమాండ్ చేస్తున్నారు.
సాయంత్రం నాటికి
ఈరోజు సాయంత్రం నాటికి కార్మికులను గుర్తించే అవకాశం ఉంది. ప్రభుత్వం ఈ ఘటనపై పూర్తి స్థాయి విచారణకు ఆదేశాలు ఇచ్చింది. భవిష్యత్తులో ఇలాంటి ప్రమాదాలు జరగకుండా భద్రతా చర్యలను మరింత కఠినతరం చేయాలని చర్చ నడుస్తోంది.SLBC టన్నెల్ గత కొంతకాలంగా నిలిచిపోయిన ప్రాజెక్ట్. దీని పనులు ఇటీవల మళ్లీ ప్రారంభమయ్యాయి. అయితే, భూగర్భ గమనాన్ని సరిగ్గా అంచనా వేయకపోవడం, సురక్షిత చర్యలు చేపట్టకపోవడం ఈ ప్రమాదానికి ప్రధాన కారణాలుగా భావిస్తున్నారు.టన్నెల్ లోపల సరైన భద్రతా ప్రమాణాలు పాటించకపోవడం వల్ల ప్రమాదం మరింత తీవ్రమైంది.