తెలంగాణ (Telangana) రాష్ట్రంలో బీసీలకు విద్య, ఉద్యోగాలు, స్థానిక సంస్థల్లో 42 శాతం రిజర్వేషన్లు కల్పించాలనే డిమాండ్ను మరోసారి బలంగా వినిపిస్తూ తెలంగాణ జాగృతి (Telangana Jagruti) అధ్యక్షురాలు, ఎమ్మెల్సీ కల్వకుంట్ల కవిత నేతృత్వంలో ఉద్యమం మళ్లీ వేగం పుంజుకుంది. ఈ నేపథ్యంగా, జూలై 17న రాష్ట్రవ్యాప్తంగా చేపట్టే “రైల్ రోకో” (railroko)నిరసన కార్యక్రమానికి వామపక్ష పార్టీల మద్దతును కోరుతూ ఆమె ప్రత్యేకంగా నేతలను కలిశారు.
వామపక్ష పార్టీలకు ప్రత్యేక ఆహ్వానం
కల్వకుంట్ల కవిత ఇటీవల సీపీఎం రాష్ట్ర కార్యాలయమైన ఎంబీ భవన్లో పార్టీ రాష్ట్ర కార్యదర్శి జాన్ వెస్లీ, అడిక్మెట్లోని న్యూడెమోక్రసీ రాష్ట్ర కార్యాలయం మార్క్స్ భవన్లో పార్టీ కేంద్ర కమిటీ సభ్యుడు సాధినేని వెంకటేశ్వరరావు, జేవీ చలపతిరావు, రాష్ట్ర కార్యదర్శి వర్గ సభ్యుడు కె. గోవర్థన్లను కవిత వేర్వేరుగా కలిసి వినతి పత్రాలను అందజేసి మద్దతు కోరారు.
బీసీ రిజర్వేషన్ల కోసం తెలంగాణ జాగృతి కృషి
ఈ సందర్బంగా కవిత మాట్లాడుతూ, బీసీ రిజర్వేషన్ల పెంపు, కామారెడ్డి బీసీ డిక్లరేషన్ అమలు కోసం తెలంగాణ జాగృతి, యునైటెడ్ పూలే ఫ్రంట్ ఆధ్వర్యంలో గత ఏడాదిగా అనేక ప్రజాస్వామిక ఉద్యమాలను నిర్వహించామని కవిత ఈ సందర్భంగా వామపక్ష నేతలకు తెలియజేశారు.
కాంగ్రెస్ ప్రభుత్వం తీసుకున్న చర్యల వెనుక బీసీ ఉద్యమాల ప్రభావం
కవిత తెలిపినదానిని అనుసరించితే, తెలంగాణ జాగృతి, బీసీ సంఘాల నిరంతర పోరాటాల ఫలితంగా కాంగ్రెస్ ప్రభుత్వం స్పందించి అసెంబ్లీ, కౌన్సిల్లో రెండు కీలకమైన బిల్లులను ప్రవేశపెట్టినట్లు పేర్కొన్నారు. విద్య, ఉద్యోగాల్లో రిజర్వేషన్ల కోసం ఒక బిల్లు, స్థానిక సంస్థల్లో రిజర్వేషన్ల పెంపునకు మరో బిల్లు ప్రవేశపెట్టి ఆమోదింపజేసిందని కవిత వివరించారు.
కేంద్రంపై సీఎం రేవంత్ రెడ్డి ఎందుకు ఒత్తిడి చేయడం లేదు?
ఈ సందర్భంగా ఎమ్మెల్సీ కవిత కేంద్రంపై విమర్శలు చేశారు. ఈ బిల్లును పంపి మూడు నెలలు అవుతున్నా అమలు చేయడానికి కేంద్రంపై సీఎం రేవంత్ రెడ్డి ఎలాంటి ఒత్తిడి చేయడం లేదని ఎమ్మెల్సీ కవిత ఆరోపించారు.
జులై 17 రైల్ రోకో – ప్రజాస్వామికంగా బలమైన నిరసన
ఈ పరిస్థితుల్లోనే జూలై 17న రాష్ట్రవ్యాప్తంగా రైల్ రోకో నిర్వహించాలని నిర్ణయించినట్లు కవిత వెల్లడించారు. తమతో కలిసి వచ్చే భావసారూప్యత ఉన్న పార్టీలు, ప్రజా సంఘాలతో కలిసి రైల్ రోకో నిర్వహిస్తామని కవిత వామపక్ష పార్టీ నేతలకు తెలిపారు.
Read also: Kata Amrapali: మళ్లీ తెలంగాణకు ఐఏఎస్ కాట అమ్రపాలి