తెలంగాణ రాష్ట్రంలోని ప్రతిష్టాత్మక కాళేశ్వరం ప్రాజెక్టు (Kaleshwaram project) లో నిర్మాణ సంబంధిత అవకతవకలపై గతంలో వెల్లువెత్తిన ఆరోపణలపై ప్రభుత్వం వేగంగా స్పందించింది. ఈ ఆరోపణల నేపథ్యంలో 2024 మార్చి 14న ప్రభుత్వం జస్టిస్ పీసీ ఘోష్ (Justice PC Ghosh) ఆధ్వర్యంలో ప్రత్యేక విచారణ కమిషన్ను ఏర్పాటు చేసింది.
మేడిగడ్డ, అన్నారం, సుందిళ్ల బరాజ్లపై దృష్టి
కమిషన్ ముఖ్యంగా మేడిగడ్డ, అన్నారం, సుందిళ్ల బ్యారేజ్ (Sundilla Barrage)ల నిర్మాణ పనులపై దృష్టిసారించింది. 15 నెలల పాటు జరిపిన లోతైన విచారణలో నిర్మాణ నాణ్యత, డిజైన్ లోపాలు, పనుల అమలు తీరు వంటి అంశాలను పూర్తిగా పరిశీలించింది.
115 మందిని విచారించి సాక్ష్యాల నమోదు
విచారణలో భాగంగా మొత్తం 115 మందిని కమిషన్ వ్యక్తిగతంగా విచారించింది. సంబంధిత అధికారులు, ఇంజినీర్లు, కాంట్రాక్టర్లు మరియు ప్రాజెక్టు పనిచేసిన సంస్థల ప్రతినిధుల నుంచి విలువైన సమాచారం సేకరించి, సాక్ష్యాలను నమోదు చేసింది.
సీల్డ్ కవర్లో తుది నివేదిక ప్రభుత్వానికి
విచారణ ప్రక్రియ పూర్తయిన అనంతరం, తుది నివేదికను సిద్ధం చేసి ఇటీవల ప్రభుత్వం వద్దకు పంపింది. ఈ నివేదికను సీల్డ్ కవర్లో నీటిపారుదల శాఖ ముఖ్య కార్యదర్శి రాహుల్ బొజ్జాకు అందజేశారు. అధికారులు నివేదికలో పేర్కొన్న కీలక అంశాలను సమీక్షిస్తున్నట్టు సమాచారం.
Read hindi news: hindi.vaartha.com
Read also: Supreme Court: ఎమ్మెల్యేల అనర్హతపై సుప్రీంకోర్టు కీలక తీర్పు