హైదరాబాద్లోని మైనారిటీ గురుకులంలో జరిగిన ఫుడ్ పాయిజన్ ఘటనలో బాధితులైన విద్యార్థులను సీపీఎం తెలంగాణ (Telangana) రాష్ట్ర కార్యదర్శి జాన్ వెస్లీ (John Wesley) ఆదివారం కింగ్ కోఠి ఆసుపత్రిలో పరామర్శించారు. రాష్ట్రంలోని గురుకులాల్లో పదే పదే జరుగుతున్న ఫుడ్ పాయిజన్ ఘటనలపై విచారణ కమిషన్ను నియమించాలని ఆయన ప్రభుత్వాన్ని తీవ్రంగా డిమాండ్ చేశారు. ఈ సందర్భంగా జాన్ వెస్లీ విద్యార్థినుల ఆరోగ్య పరిస్థితిపై వైద్యులను అడిగి వివరాలు తెలుసుకున్నారు, అలాగే చికిత్స పొందుతున్న విద్యార్థినులతో, వారి తల్లిదండ్రులతో మాట్లాడారు.
Read Also: TG Panchayat Elections: ఉత్తర తెలంగాణలో బీజేపీకి ఊపు
ప్రభుత్వ నిర్లక్ష్య వైఖరిపై సీపీఎం ఆందోళన
హైదరాబాద్, బాగ్ లింగంపల్లి మైనారిటీ గురుకుల బాలికల హాస్టల్లో నవంబర్ 12న కలుషితమైన పెరుగు, కుళ్ళిన కూరగాయల ఆహారం తిని 26 మంది విద్యార్థినీలు తీవ్ర అస్వస్థతకు గురై కింగ్ కోఠి, నీలోఫర్ ఆసుపత్రుల్లో చికిత్స పొందుతున్నారు. ఈ ఘటన బయటకు రాకుండా ప్రిన్సిపాల్ ప్రయత్నించడం ప్రభుత్వ నిర్లక్ష్య వైఖరిని తెలియజేస్తుందని జాన్ వెస్లీ మండిపడ్డారు. ఈ ఘటనపై సీపీఐ(ఎం) తెలంగాణ రాష్ట్ర కమిటీ తీవ్ర ఆందోళనను వెలిబుచ్చుతుందని ఆయన తెలిపారు.
పునరావృత్తాన్ని అరికట్టడానికి తక్షణ చర్యలు అవసరం
ప్రభుత్వ నిర్లక్ష్యం వల్లే ఇలాంటి ఘటనలు పదే పదే పునరావృతమవుతున్నాయని, వాటిని అరికట్టేందుకు ఒక విచారణ కమిషన్ ఏర్పాటు చేసి, తగిన చర్యలు తీసుకోవాలని ప్రభుత్వాన్ని డిమాండ్ చేస్తున్నామని జాన్ వెస్లీ స్పష్టం చేశారు. విద్యార్థులను పరామర్శించిన వారిలో హైదరాబాద్ సెంట్రల్ సిటీ కార్యదర్శి ఎం. వెంకటేష్, ఎస్ఎఫ్ఐ నగర కార్యదర్శి అశోక్ రెడ్డి కూడా ఉన్నారు.
Read hindi news: hindi.vaartha.com
Epaper : epaper.vaartha.com
Read Also: