అంబేద్కర్ స్టేడియం (Ambedkar Stadium) లో దసరా వేడుకలు ఎంతో వైభవంగా, అంగరంగ వైభవంగా జరిగాయి. ప్రతి ఏడాది జరిగేలా ఈసారి కూడా దసరా పండుగ (Dussehra festival) సందర్భంగా భారీ స్థాయిలో ఏర్పాట్లు చేశారు. వేలాది మంది ప్రజలు హాజరై పండుగ ఉత్సాహాన్ని రెట్టింపు చేశారు.
ప్రధాన ఆకర్షణగా రామ-రావణ సంభాషణలతో కూడిన నాటికలు, రావణ దహనం కార్యక్రమం నిలిచాయి. రాత్రి వేళ ఆకాశంలో ఎగసిపడిన ఆతష్బాజీతో అక్కడి వాతావరణం పండుగ వాతావరణంలా మారిపోయింది.
Jagga Reddy: వచ్చే ఎన్నికల్లో బరిలోకి జగ్గారెడ్డి భార్య
కార్యక్రమంలో జగ్గారెడ్డి (Jagga Reddy) దంపతులు, టిపిసిసి సీనియర్ నేత జెట్టి కుసుమ కుమార్ తదితరులు పాల్గొన్నారు.ఈ సందర్భంగా జగ్గారెడ్డి మాట్లాడుతూ, వచ్చే ఎన్నికల్లో తాను పోటీ చేయబోనని స్పష్టం చేశారు. తన భార్య నిర్మల సంగారెడ్డి నియోజకవర్గం నుంచి పోటీ చేస్తారని తెలిపారు.
పదేళ్ల తర్వాత మళ్లీ ఎన్నికల్లో తాను పోటీ చేస్తానని చెప్పారు.అదేవిధంగా యువతకు పిలుపునిస్తూ, డ్రగ్స్, గంజాయి వంటి మత్తు పదార్థాలకు దూరంగా ఉండాలని సూచించారు. వాటికి బానిసలయి జీవితాలను నాశనం చేసుకోవద్దని హెచ్చరించారు. అంతేకాదు అతివేగంతో వాహనాలు నడపకుండా జాగ్రత్తలు తీసుకోవాలని విజ్ఞప్తి చేశారు.
Read hindi news: hindi.vaartha.com
Read Also:
