హైదరాబాద్లో ఓ ఆటో డ్రైవర్ నిర్వాకం సోషల్ మీడియాలో వైరల్గా మారింది. నగరంలోని మలక్పేట నుంచి చాదర్ఘాట్ వైపు వెళ్తూ, ఆటో నడుపుతూనే తన పక్కన కూర్చున్న యువతితో అసభ్యంగా ప్రవర్తించిన వీడియో ఇప్పుడు చర్చనీయాంశంగా మారింది. రద్దీగా ఉన్న రహదారిపై ప్రయాణికుల సురక్షను పక్కనబెట్టి, ప్రమాదకరంగా డ్రైవింగ్ చేస్తూ ప్రేమలో మునిగిపోయిన డ్రైవర్పై ఆగ్రహం వ్యక్తమవుతోంది.
Read Also: JubileeHills Bypoll: ఎన్నికలపై ప్రభుత్వం సెలవు ప్రకటించింది
వెనుక వస్తున్న వాహనదారులు ఈ దృశ్యాలను వీడియో తీసి సోషల్ మీడియాలో పోస్ట్ చేయడంతో అది వేగంగా వైరల్(Viral Video) అయింది. వీడియోలో డ్రైవర్ ప్రవర్తనను గమనించిన చాదర్ఘాట్ పోలీసులు వెంటనే చర్యలకు దిగారు. ఆ ప్రాంతంలోని సీసీటీవీ ఫుటేజ్లను సేకరించి, ఆటో నంబర్ ద్వారా డ్రైవర్ వివరాలను గుర్తించారు. విచారణలో ఆ ఆటో నల్లగొండ జిల్లాకు చెందినదని తేలింది.
కేసు నమోదు – గాలింపు కొనసాగుతుంది
ప్రస్తుతం ఆటో డ్రైవర్ కోసం గాలింపు కొనసాగుతుందని చాదర్ఘాట్ ఇన్స్పెక్టర్ కేబీ మురారి తెలిపారు. ఈ ఘటనపై కేసు నమోదు చేసి, త్వరలోనే అతడిని అదుపులోకి తీసుకుంటామని ఆయన వెల్లడించారు. నగరంలో ఇలాంటి బాధ్యతారహిత ప్రవర్తనకు తావు ఇవ్వబోమని పోలీసులు హెచ్చరించారు.
Read hindi news: hindi.vaartha.com
Epaper: epaper.vaartha.com/
Read Also:
