Balapur-హైదరాబాద్లో ప్రసిద్ధి చెందిన బాలాపూర్ గణేశునికి ఈ సంవత్సరం భక్తుల విరాళాలు రికార్డు స్థాయిలో వచ్చాయి. హుండీల లెక్కింపు ప్రకారం మొత్తం రూ.23.13 లక్షలు సమకూరాయి. నవరాత్రుల సందర్భంగా దాదాపు 12 లక్షల మంది భక్తులు గణనాథుడిని దర్శించుకున్నారు.
గణేష్ నిమజ్జన(Ganesh Nimarjanam)కార్యక్రమం ముగిసిన అనంతరం సోమవారం హుండీల లెక్కింపు జరిగింది. బాలాపూర్ గణేష్ ఉత్సవ సమితి అధ్యక్షుడు కళ్లెం నిరంజన్ రెడ్డి, కమిటీ సభ్యుల పర్యవేక్షణలో హుండీలను తెరిచి లెక్కించారు. ఈ లెక్కింపులో రూ.6,25,940 ఆన్లైన్ ద్వారా వచ్చినట్లు వెల్లడించారు.
విరాళాల రూపంలో వచ్చిన నగదు
నగదు లెక్కింపులో రూ.500 నోట్లు 1,642, రూ.200 నోట్లు 594, రూ.100 నోట్లు 3,352, రూ.50 నోట్లు 2,306, రూ.20 నోట్లు 4734, రూ.10 నోట్లు 300తో పాటు రూ.1, రూ.2, రూ.5 నాణేలు కూడా అధికంగా వచ్చాయి. మొత్తం రూ.23,13,760 విలువైన విరాళాలు సమకూరాయి. ఈ మొత్తం బాలాపూర్ గణేష్ ఉత్సవ సమితి(Balapur Ganesh Festival Committee)పేరిట ఉన్న బ్యాంకు ఖాతాలో జమ చేస్తారని కమిటీ వెల్లడించింది. ఏయే అభివృద్ధి పనులకు, సామాజిక సేవా కార్యక్రమాలకు ఈ డబ్బు వినియోగించాలో ఉత్సవ కమిటీ చర్చించి నిర్ణయం తీసుకోనుంది.
బాలాపూర్ గణేశుని హుండీ ఆదాయం ఎంత వచ్చింది?
ఈసారి బాలాపూర్ గణేశునికి మొత్తం రూ.23.13 లక్షల ఆదాయం వచ్చింది.
ఆన్లైన్ ద్వారా ఎంత విరాళం వచ్చింది?
ఆన్లైన్ విరాళాల రూపంలో రూ.6,25,940 సమకూరింది.
Read hindi news:hindi.vaartha.com
Read also:
