హైదరాబాద్ నగరంలో ప్రజల ఆరోగ్యంతో చెలగాటం ఆడుతున్న ఒక నకిలీ టీ పొడి తయారీ కేంద్రాన్ని వెస్ట్ జోన్ టాస్క్ఫోర్స్ పోలీసులు గుర్తించారు. రహస్య సమాచారం అందుకున్న అధికారులు ఒక్కసారిగా ఆ తయారీ యూనిట్పై మెరుపు దాడులు నిర్వహించారు. ఈ సోదాల్లో భారీ ఎత్తున కల్తీ పదార్థాలను స్వాధీనం చేసుకున్నారు. నిబంధనలకు విరుద్ధంగా టీ పొడిని తయారు చేస్తున్న జగన్నాథ్ బిష్ణోయ్ అనే వ్యక్తిని పోలీసులు అదుపులోకి తీసుకున్నారు. ప్రజలు నిత్యం తాగే టీలో ఇలాంటి విషపూరిత పదార్థాలు కలపడం నగరంలో కలకలం రేపింది.
Read also: Rajahmundry Milk Adulteration: కల్తీ పాల మృతులకు ఎక్స్ గ్రేషియా ప్రకటించిన ప్రభుత్వం
Fake tea powder found in Hyderabad!
ప్రమాదకరమైన రసాయనాలు – తయారీ విధానం
ఈ కల్తీ టీ పొడి తయారీలో నిందితుడు అత్యంత ప్రమాదకరమైన పద్ధతులను పాటిస్తున్నట్లు విచారణలో తేలింది. తక్కువ నాణ్యత కలిగిన టీ డస్ట్, గ్రాన్యూల్స్తో పాటు సింథటిక్ రసాయనాలను (Chemical) ఇక్కడ వాడుతున్నారు. ముఖ్యంగా టీకి మంచి రంగు రావడం కోసం కోకోపీట్ మిక్స్కు రంగులు కలిపి వినియోగిస్తున్నారు. కేవలం లాభాల కోసం ఇలాంటి నాణ్యత లేని వస్తువులను వాడటం వల్ల ప్రజల కాలేయం, జీర్ణక్రియపై తీవ్ర ప్రభావం పడే అవకాశం ఉందని వైద్య నిపుణులు హెచ్చరిస్తున్నారు.
నిందితుడి అరెస్ట్ – ప్రజలకు పోలీసుల హెచ్చరిక
పోలీసుల లెక్కల ప్రకారం, ప్రతి కిలో నకిలీ టీ పొడిలో దాదాపు సగం వరకు కల్తీ మిశ్రమమే ఉంటోంది. ఈ దాడుల అనంతరం నిందితుడిపై కఠిన కేసులు నమోదు చేసి రిమాండ్కు తరలించారు. ప్రజలు టీ పొడి కొనేటప్పుడు కేవలం తక్కువ ధరకే వస్తుందని ఆశపడకుండా, గుర్తింపు పొందిన బ్రాండ్లను మాత్రమే ఎంచుకోవాలని పోలీసులు సూచించారు. మార్కెట్లో దొరికే లూజ్ టీ పొడి విషయంలో జాగ్రత్తగా ఉండాలని, ఏమాత్రం అనుమానం వచ్చినా అధికారులకు ఫిర్యాదు చేయాలని కోరారు.
Read hindi news: hindi.vaartha.com
Epaper: epaper.vaartha.com
Read Also:
