Shocking Crime News Hyderabad: హైదరాబాద్లోని పోచారంలో సినిమా తరహాలోనే ఒక దిగ్భ్రాంతికరమైన ఘటన వెలుగులోకి వచ్చింది. మనోహర్ అనే యువకుడికి ఒక యువతితో పెళ్లి నిశ్చయమైంది. అయితే, వివాహానికి ముందే సదరు యువకుడితో పాటు అతని తల్లిదండ్రులకు కూడా ఎయిడ్స్ (HIV/AIDS) వ్యాధి సోకిందనే నిజాన్ని యువతి తెలుసుకుంది. ప్రాణాంతకమైన ఈ విషయాన్ని దాచి పెళ్లి చేయాలనుకోవడంతో ఆమె మనస్తాపానికి గురై, ఈ వివాహాన్ని నిరాకరించింది.
Read Also :Palghar Train Accident: రైలు కింద పడి ముగ్గురు దుర్మరణం
Shocking Crime News Hyderabad: సినిమా తరహాలో యువకుడి వికృత చేష్ట
వివాహానికి నిరాకరించడాన్ని జీర్ణించుకోలేకపోయిన మనోహర్, ఈ నెల 11వ తేదీన యువతి ఇంటికి వెళ్లి తనను పెళ్లి చేసుకోవాలని తీవ్రంగా ఒత్తిడి చేశాడు. ఆమె ససేమిరా అనడంతో కోపోద్రిక్తుడైన నిందితుడు, పక్కా ప్లాన్తో తన వెంట తెచ్చుకున్న ఎయిడ్స్ వ్యాధిగ్రస్తుల రక్తం ఉన్న ఇంజెక్షన్ను ఆమెకు బలవంతంగా ఇచ్చాడు. తనకు సోకిన వ్యాధి ఆమెకు కూడా సోకాలని, తద్వారా ఆమె తనను పెళ్లి చేసుకోక తప్పదనే వికృత ఆలోచనతో ఈ ఘాతుకానికి పాల్పడినట్లు తెలుస్తోంది.
ఈ దారుణ ఘటనపై బాధితురాలు పోలీసులకు ఫిర్యాదు చేయడంతో విషయం వెలుగులోకి వచ్చింది. బాధితురాలిని వెంటనే చికిత్స నిమిత్తం ఆసుపత్రికి తరలించిన పోలీసులు, నిందితుడు మనోహర్ను అదుపులోకి తీసుకున్నారు. నిందితుడిపై హత్యాయత్నం మరియు ఇతర కఠిన సెక్షన్ల కింద కేసు నమోదు చేసి దర్యాప్తు చేస్తున్నారు. ఈ ఘటన స్థానికంగా తీవ్ర కలకలం సృష్టించింది.
Read hindi news: hindi.vaartha.com
Epaper : epaper.vaartha.com
Read Also :