Sajjanar Holi warning : హోలీ పండుగను నగరంలో ప్రశాంతంగా జరుపుకోవాలని V. C. Sajjanar ప్రజలకు సూచించారు. ఇతరులకు ఇష్టం లేకపోతే బలవంతంగా రంగులు చల్లడం, పాదచారులు లేదా వాహనాలపై రంగు నీళ్లు చల్లడం నిషేధమని హెచ్చరించారు. ఈ ఆదేశాలను ఉల్లంఘిస్తే కఠిన చర్యలు తీసుకుంటామని స్పష్టం చేశారు.
ఇంటిగ్రేటెడ్ కమాండ్ అండ్ కంట్రోల్ సెంటర్లో జరిగిన సమీక్షలో పండుగ సందర్భంగా నగరంలో భద్రతా చర్యలను కట్టుదిట్టం చేయాలని అధికారులను ఆదేశించారు. రంజాన్ మాసం కొనసాగుతున్న నేపథ్యంలో ప్రార్థనలకు ఎలాంటి ఆటంకం కలగకుండా చూడాలని, సున్నిత ప్రాంతాల్లో అదనపు పోలీసు బందోబస్తు ఏర్పాటు చేయాలని సూచించారు.
Read Also: Priyanka Gandhi: ఇది అత్యంత హేయమైన చర్య
మహిళల భద్రత దృష్ట్యా షీ టీమ్స్ ప్రత్యేక నిఘా ఉంచనున్నాయని తెలిపారు. రోడ్లపై గుంపులుగా తిరుగుతూ న్యూసెన్స్ చేస్తే వాహనాలను సీజ్ చేస్తామని హెచ్చరించారు. డీజే సౌండ్ సిస్టమ్స్కు అనుమతి లేదని, రసాయన రంగుల బదులు సహజ రంగులు ఉపయోగించాలని సూచించారు.
మంగళవారం ఉదయం 6 గంటల నుంచి సాయంత్రం 6 గంటల వరకు హైదరాబాద్ కమిషనరేట్ పరిధిలో మద్యం దుకాణాలు, బార్లు, కల్లు కాంపౌండ్లు మూసివేయాలని ఆదేశించారు. ఎక్కడైనా సమస్యలు తలెత్తితే వెంటనే డయల్ 100కు సమాచారం ఇవ్వాలని ప్రజలకు సూచించారు.
Read hindi news: hindi.vaartha.com
Epaper: epaper.vaartha.com
Read Also: