తెలంగాణ రాష్ట్రంలో వర్షాలు (Rains ) భారీగా పడనున్నట్లు హైదరాబాద్ వాతావరణ కేంద్రం హెచ్చరిక జారీ చేసింది. వచ్చే 7 రోజుల్లో రాష్ట్రవ్యాప్తంగా వర్షాలు కురిసే అవకాశముందని వెల్లడించింది. ముఖ్యంగా రేపు నల్గొండ, రంగారెడ్డి, హైదరాబాద్, మల్కాజిగిరి, వికారాబాద్, సంగారెడ్డి, మెదక్, కామారెడ్డి, మహబూబ్నగర్, నాగర్కర్నూల్, వనపర్తి, నారాయణపేట, గద్వాల్ జిల్లాల్లో వర్షాలు కురిసే అవకాశముందని స్పష్టం చేసింది.
అల్పపీడన ప్రభావంతో వర్షాల తీవ్రత
ఈ నేపథ్యంలో సంబంధిత జిల్లాలకు వాతావరణ శాఖ ఎల్లో అలర్ట్ (Yellow Alert) జారీ చేసింది. ప్రజలు అవసరమైతే తప్ప బయటకు వెళ్లకుండా జాగ్రత్తలు పాటించాలని సూచించింది. అల్పపీడన ప్రభావంతో వర్షాల తీవ్రత పెరిగే అవకాశం ఉన్నందున, రైతులు మరియు పంటల నిర్వహణలో ఉన్నవారు అప్రమత్తంగా ఉండాలని సూచించింది.
సాధారణ స్థాయికి ఉష్ణోగ్రతలు
ఈ వర్షాల ప్రభావంతో రాష్ట్రంలోని ఉష్ణోగ్రతలు సాధారణ స్థాయికి తక్కువగా నమోదయ్యే అవకాశముందని వాతావరణ శాఖ పేర్కొంది. ఇది వేసవి కాలంలో ప్రజలకు కొంత ఉపశమనం కలిగించనున్నప్పటికీ, లోతట్టు ప్రాంతాల్లో జలమునిగే పరిస్థితులు ఏర్పడే అవకాశమున్నందున ప్రజలు ముందు జాగ్రత్తలు తీసుకోవాలని అధికారులు సూచిస్తున్నారు.
Read Also : Hyderabad Fire : బిడ్డలను హత్తుకుని అగ్నికీలలకు ఆహుతైన మహిళ!