బంగాళాఖాతంలో ఏర్పడి పశ్చిమ దిశగా కదులుతున్న మొంథా తుఫాన్ ప్రభావం తెలంగాణపైన కూడా గట్టిగానే ఉండనుందని భారత వాతావరణ శాఖ (IMD) హెచ్చరించింది. తుపాను కేంద్రం తీరం దాటి లోనికి ముందుకు సాగే కొద్దీ గాలివేగం పెరగడంతో పాటు విస్తారంగా వర్షాలు కురిసే అవకాశం ఉందని అధికారులు తెలిపారు. రాష్ట్రంలోని ఉత్తర, తూర్పు జిల్లాలు ముఖ్యంగా ప్రభావానికి గురయ్యే అవకాశం ఉండటంతో అన్ని శాఖలు అప్రమత్తంగా ఉండాలని సూచించారు. వానల ప్రభావంతో నిత్యజీవితానికి అంతరాయం కలగవచ్చని హెచ్చరికలు జారీ చేశారు.
Latest News: Kurnool Bus Tragedy: బస్సు ప్రమాదం..18 మృతదేహాలు కుటుంబ సభ్యులకు అప్పగింత
ప్రత్యేకంగా భూపాలపల్లి, ములుగు, భద్రాద్రి కొత్తగూడెం, మహబూబాబాద్ జిల్లాల్లో అతి భారీ నుంచి అత్యంత భారీ వర్షాల అవకాశం ఉండటంతో రెడ్ అలర్ట్ ప్రకటించారు. నదులు, వాగులు, చెరువులలో నీటి ప్రవాహం ముమ్మరం అయ్యే అవకాశం ఉండటంతో ప్రజలు జాగ్రత్తలు తీసుకోవాలని అధికారులు సూచిస్తున్నారు. తక్కువ ప్రదేశాల్లో నీరు నిలిచిపోయే అవకాశం ఉండటం వల్ల రవాణా సమస్యలు తలెత్తే అవకాశం ఉంది. ప్రమాదకర ప్రాంతాల్లో నివసించే కుటుంబాలను అవసరమైతే పునరావాస కేంద్రాలకు తరలించే చర్యలు చేపట్టాలని స్థానిక సంస్థలకు ఆదేశాలు జారీ అయ్యాయి.
అదేవిధంగా హైదరాబాద్, ఆదిలాబాద్, మంచిర్యాల, పెద్దపల్లి, ఖమ్మం, వరంగల్, హన్మకొండ జిల్లాలకు ఆరెంజ్ అలర్ట్ ప్రకటించారు. ఈ ప్రాంతాల్లో భారీ వానలతో పాటు ఎండాకాలం తర్వాత పెద్దకాలంగా సేదతీరిన నేల పరవళ్ళు తొక్కే సూచనలున్నాయి. ముంపు ప్రాంతాల్లో నివసించే ప్రజలు బయటకు రాకుండా జాగ్రత్తలు తీసుకోవాలని, విద్యుత్ స్తంభాలు, చెట్లు కూలే ప్రమాదం ఉన్నందున వాటికి దగ్గరగా వెళ్లవద్దని అధికారులు సూచిస్తున్నారు. ప్రజలు అధికారుల సూచనలు పాటిస్తూ అప్రమత్తంగా ఉంటే తుపాను ప్రబల ప్రభావాన్ని తట్టుకునే అవకాశం ఉందని వాతావరణ శాఖ పేర్కొంది.
Read hindi news: https://hindi.vaartha.com
Epaper : https://epaper.vaartha.com/