హైదరాబాద్(Hyderabad) క్రికెట్ అసోసియేషన్ (HCA)లో మరోసారి వివాదం చెలరేగింది. యువ క్రికెటర్ల నుంచి డబ్బులు వసూలు చేశారన్న ఆరోపణలపై ఉప్పల్ పోలీసులు సెలక్షన్ కమిటీ సభ్యులపై కేసు నమోదు చేశారు.అండర్–19, అండర్–23 లీగ్లలో అవకాశం కల్పించేందుకు కమిటీ సభ్యులు లంచాలు డిమాండ్ చేశారని పలువురు తల్లిదండ్రులు ఫిర్యాదు చేశారు. ఈ ఫిర్యాదుల ఆధారంగా పోలీసులు ఎఫ్ఐఆర్ నమోదు చేసి దర్యాప్తు ప్రారంభించారు.
Read also: 4 Tales : ఓటిటి లో అదరగొడుతున్న 4 టేల్స్ సిరీస్
కేసులో ఉన్నవారు ఎవరు?
ఈ కేసులో సెలక్షన్ కమిటీ చైర్మన్ హబీబ్ అహ్మద్, సభ్యులు రాజన్, సందీప్ త్యాగి పేర్లు ఉన్నాయని సమాచారం. బాధితుల ప్రకారం, తమ పిల్లలను జట్టులో చేర్చేందుకు పెద్ద మొత్తంలో అక్రమ రుసుములు వసూలు చేశారని ఆరోపించారు.ఈ ఘటన క్రికెట్ వర్గాల్లో తీవ్ర చర్చకు దారితీసింది. టాలెంట్ కంటే డబ్బుకే ప్రాధాన్యత ఇస్తున్నారని పలువురు మాజీ క్రీడాకారులు మండిపడుతున్నారు. పోలీసులు దీనిపై పూర్తి దర్యాప్తు చేపట్టారు.
క్రీడల్లో అవినీతి పై ఆందోళన
HCA: ఇటీవలి కాలంలో క్రీడా సంస్థల్లో అవినీతి ఘటనలు పెరుగుతుండడం ఆందోళన కలిగిస్తోంది. యువ ప్రతిభావంతులు క్రీడా రంగంలో అవకాశాల కోసం ఎదురుచూస్తుండగా, ఇలాంటి ఘటనలు క్రీడా నైతిక విలువలను దెబ్బతీస్తున్నాయి.కేసు పూర్తిగా విచారణ తర్వాతే నిజానిజాలు వెలుగులోకి రానున్నాయి.
Read hindi news: hindi.vaartha.com
Epaper : epaper.vaartha.com/
Read Also: