తెలంగాణ రాష్ట్ర పబ్లిక్ సర్వీస్ కమిషన్ (TGPSC) గ్రూప్స్ పరీక్షల ఫలితాల షెడ్యూల్ను ప్రకటించింది. ఈ నెల 10న గ్రూప్-1 ప్రొవిజినల్ మార్కులు విడుదల చేయనున్నట్లు వెల్లడించింది. గ్రూప్-1 ప్రిలిమ్స్ పరీక్ష రాసిన అభ్యర్థులు తమ ప్రొవిజనల్ మార్కులను అధికారిక వెబ్సైట్ ద్వారా తెలుసుకోవచ్చు.
ఈ నెల 11న జనరల్ ర్యాంకింగ్ జాబితా విడుదల
గ్రూప్-2 పరీక్ష ఫలితాల కోసం ఎదురుచూస్తున్న అభ్యర్థులకు ఈ నెల 11న జనరల్ ర్యాంకింగ్ జాబితా విడుదల చేయనున్నట్లు TGPSC ప్రకటించింది. గ్రూప్-3 అభ్యర్థుల కోసం 14న జనరల్ ర్యాంకింగ్ జాబితా రిలీజ్ చేస్తామని తెలిపింది. ఈ ఫలితాల ఆధారంగా అభ్యర్థులు తదుపరి దశల ఎంపికకు అర్హత సాధిస్తారు.
అలాగే, 17న హాస్టల్ వెల్ఫేర్ ఆఫీసర్ తుది ఫలితాలు ప్రకటించనున్నట్లు కమిషన్ తెలిపింది. ఈ పరీక్షకు అర్హత పొందిన అభ్యర్థులు తుది ఎంపిక జాబితాలో ఉన్నారా లేదా అనేదానిపై స్పష్టత వస్తుంది. అదే విధంగా, 19న ఎక్స్టెన్షన్ ఆఫీసర్ తుది ఫలితాలను విడుదల చేయనున్నట్లు వివరించింది.
పరీక్షా ఫలితాలను సులభంగా తెలుసుకునే అవకాశం
గ్రూప్స్ ఫలితాల షెడ్యూల్ ప్రకారం అభ్యర్థులు తమ పరీక్షా ఫలితాలను సులభంగా తెలుసుకోవచ్చు. అభ్యర్థులు TGPSC అధికారిక వెబ్సైట్ను సందర్శించి, తమ హాల్ టికెట్ నెంబర్ లేదా ఇతర వివరాలతో ఫలితాలను చెక్ చేసుకోవాలని సూచించింది. ఫలితాల ప్రకటన అనంతరం, సంబంధిత పోస్టుల కోసం ఇంటర్వ్యూలు, డాక్యుమెంట్ వెరిఫికేషన్ తదితర తదుపరి ప్రక్రియలు ప్రారంభమయ్యే అవకాశం ఉంది.
