తెలంగాణలో గ్రూప్-2 ఉద్యోగాల కోసం ఎంతోకాలంగా ఎదురుచూస్తున్న అభ్యర్థులకు శుభవార్త అందింది. 2022 నోటిఫికేషన్లో(notification) భాగంగా విడుదలైన 783 పోస్టుల తుది ఫలితాలను తెలంగాణ పబ్లిక్ సర్వీస్ కమిషన్ (TSPSC) అధికారికంగా ప్రకటించింది. అయితే, ఒక పోస్టు మాత్రం ఖాళీగా మిగిలింది. ఫలితాల ప్రకటనతో ఎంపికైన వారి కుటుంబాల్లో పండుగ వాతావరణం నెలకొంది.
Read Also: CM Chandrababu: గాంధీ కొండకు లిఫ్ట్..అక్టోబర్ 2న ప్రారంభించనున్న సీఎం
TSPSC ప్రకటించిన తుది మెరిట్ జాబితా – అభ్యర్థుల్లో ఆనందం
2024 డిసెంబర్ 15, 16 తేదీల్లో జరిగిన రాత పరీక్షలకు దాదాపు 2.5 లక్షల మందికి పైగా అభ్యర్థులు హాజరయ్యారు. అనంతరం, ఈ సంవత్సరం మార్చి 11న విడుదల చేసిన జనరల్ ర్యాంకింగ్ జాబితా ఆధారంగా ధ్రువపత్రాల పరిశీలన, వైద్య పరీక్షలు పూర్తయ్యాయి. అభ్యర్థుల మెరిట్, ఆప్షన్లు, రిజర్వేషన్లను పరిగణనలోకి తీసుకుని తుది ఎంపిక జాబితా రూపొందించబడింది. ఈ పరీక్షల్లో గరిష్టంగా 600 మార్కుల్లో 447.08 మార్కులు సాధించినట్లు కమిషన్ ప్రకటించింది.
ఈ నోటిఫికేషన్ ద్వారా అసిస్టెంట్ కమర్షియల్ ట్యాక్స్ ఆఫీసర్, సబ్ రిజిస్ట్రార్ గ్రేడ్-II,(Sub Registrar Grade-II) మున్సిపల్ కమిషనర్ గ్రేడ్-III, ఎక్సైజ్ సబ్ ఇన్స్పెక్టర్ వంటి కీలక పదవులను భర్తీ చేయనున్నారు. ఎంపికైన వారికి దసరా పండుగకు ముందే నియామక పత్రాలు అందజేయాలనే లక్ష్యంతో TSPSC కృషి చేస్తోంది.
ఫలితాలపై కమిషన్ చైర్మన్ బుర్రా వెంకటేశం మాట్లాడుతూ, “కేవలం 10 నెలల వ్యవధిలోనే తుది ఫలితాలను విడుదల చేశాం. గ్రూప్-1 కేసులు లేకపోయి ఉంటే ఫలితాలు మరింత త్వరగా వచ్చేవి” అని తెలిపారు. ఎంపికైన అభ్యర్థుల జాబితా, కట్ఆఫ్ మార్కులు అధికారిక వెబ్సైట్ లో అందుబాటులో ఉన్నాయని, హాల్ టికెట్ నంబర్తో ఫలితాలను చూడవచ్చని స్పష్టం చేశారు.
తెలంగాణ గ్రూప్-2 ఫలితాల్లో ఎన్ని పోస్టులు భర్తీ అయ్యాయి?
మొత్తం 783 పోస్టులలో 782 పోస్టులు భర్తీ అయ్యాయి, ఒకటి ఖాళీగా మిగిలింది.
ఈ పరీక్షల్లో గరిష్టంగా ఎంత మార్కులు సాధించబడ్డాయి?
600 మార్కులలో అత్యధికంగా 447.08 మార్కులు సాధించబడ్డాయి.
Read hindi news: hindi.vaartha.com
Read Also: