Telangana : రాష్ట్రం తన గ్రీన్ ఎనర్జీ పాలసీ ద్వారా పునరుత్పత్తి ఎనర్జీ ఉత్పత్తిని విస్తరించడానికి భారీ పెట్టుబడులను ఆకర్షిస్తోంది. డిప్యూటీ ముఖ్యమంత్రి మల్లు భట్టి విక్రమార్క బుధవారం ఈ విషయాన్ని ప్రకటించారు. రాష్ట్రంలో ₹29,000 కోట్ల పెట్టుబడులు పెట్టడానికి రెడ్కో, ఎకోరేస్ ఎనర్జీ ఇండియా, జిపిఆర్ఎస్ ఆర్య ప్రైవేట్ సంస్థల మధ్య ఎంవోయూ (మెమొరాండమ్ ఆఫ్ అండర్స్టాండింగ్) ఒప్పందం కుదుర్చుకున్నట్లు తెలిపారు. ఈ పెట్టుబడుల ద్వారా, రాష్ట్రంలో పునరుత్పత్తి ఎనర్జీ ఉత్పత్తికి మౌలిక వసతుల ఏర్పాటుకు ప్రాధాన్యత ఇవ్వడం సాధ్యమవుతుంది.విక్రమార్క మాట్లాడుతూ, ముఖ్యమంత్రి రేవంత్ రెడ్డి దావోస్ పర్యటనలో సన్ పెట్రో కంపెనీతో 3,400 మెగావాట్ల పంప్డ్ స్టోరేజ్ విద్యుత్ ఉత్పత్తి చేయడానికి ₹20,000 కోట్ల పెట్టుబడులు పెట్టేందుకు ఎంఓయూ కుదుర్చుకున్నట్లు గుర్తు చేశారు. అలాగే, మరో మెగా కంపెనీ 1,500 మెగావాట్ల పంప్డ్ స్టోరేజ్ విద్యుత్ ఉత్పత్తి కోసం ₹7,500 కోట్ల పెట్టుబడులు పెట్టడానికి అంగీకరించినట్లు తెలిపారు. ఈ రెండు కంపెనీలు ఇప్పటికే తమ డిటైల్ ప్రాజెక్ట్ రిపోర్టులు (డిపిఆర్) తయారుచేస్తున్నాయని చెప్పారు. కొద్ది రోజుల్లో ఈ రెండు ప్రాజెక్టులు రాష్ట్రంలో ప్రారంభం అవుతాయని తెలిపారు.
రాష్ట్రానికి గ్రీన్ ఎనర్జీలో భారీ పెట్టుబడులు
క్లీన్ అండ్ గ్రీన్ ఎనర్జీ పాలసీతో, రాష్ట్రంలో ₹2,700 కోట్ల పెట్టుబడులతో 5,600 మెగావాట్ల గ్రీన్ ఎనర్జీ ఉత్పత్తి కోసం ఎకోరేస్ ఎనర్జీ ఇండియా ప్రైవేట్ లిమిటెడ్ కూడా ముందుకొచ్చింది. ఈ పెట్టుబడులు రాష్ట్ర విద్యుత్ అవసరాలను సమర్థవంతంగా తీర్చడంలో సహాయపడతాయి. Telangana హైదరాబాద్ నగరం అభివృద్ధి చెందుతున్న నేపథ్యంలో, కొత్తగా చేపడుతున్న రీజినల్ రింగ్ రోడ్డు, మూసి పునర్జీవనం, ఫ్యూచర్ సిటీ వంటి అభివృద్ధి ప్రాజెక్టుల దృష్ట్యా రాష్ట్ర విద్యుత్ డిమాండ్ పెరుగుతుందని విశ్లేషకులు అంచనా వేయిస్తున్నారు.విశ్లేషకుల నివేదికల ఆధారంగా, 2029-30 నాటికి 24,215 మెగావాట్ల గరిష్ట విద్యుత్ డిమాండ్, 2034-35 నాటికి 31,809 మెగావాట్ల డిమాండ్ పెరుగుతుందని అంచనా వేశారు. ఈ డిమాండ్లను తీర్చడానికి క్లీన్ అండ్ గ్రీన్ ఎనర్జీ ఉత్పత్తి లక్ష్యాలతో ప్రభుత్వం ముందుకు సాగుతున్నట్లు తెలిపారు. 2030 నాటికి 20,000 మెగావాట్లు, 2035 నాటికి మరో 20,000 మెగావాట్లు మొత్తం 40,000 మెగావాట్లు గ్రీన్ ఎనర్జీ ఉత్పత్తి లక్ష్యంగా ప్రణాళికలు వేయబడినట్లు విక్రమార్క వెల్లడించారు.
Read more : Jayasudha : ఫిల్మ్ అవార్డుల జ్యూరీ చైర్పర్సన్గా జయసుధ