వృత్తివిద్యా కాలేజీ (Education College) ల్లో చదువుతున్న వేలాది మంది విద్యార్థులకు ఒక మంచి వార్త వచ్చింది. చాలాకాలంగా పెండింగ్లో ఉన్న ఫీజు రీయింబర్స్మెంట్ (FEE Reimbursement) బకాయిల సమస్యకు ఎట్టకేలకు పరిష్కారం లభించింది. బీఆర్ఎస్ పార్టీ నిరంతర పోరాటం, కాలేజీ యాజమాన్యాల ఒత్తిడి వల్ల ప్రభుత్వం వెనక్కి తగ్గింది. విద్యార్థుల భవిష్యత్తు ఇబ్బందులు తలెత్తకుండా చర్యలు తీసుకోవాలని నిర్ణయం తీసుకుంది.గత కొన్ని నెలలుగా ఫీజు రీయింబర్స్మెంట్ మొత్తాలు విడుదల కాకపోవడంతో వృత్తివిద్యా కాలేజీలు తీవ్ర ఆర్థిక సమస్యల్లో కూరుకుపోయాయి. విద్యార్థుల తరగతులను బంద్ చేయాల్సిన పరిస్థితి ఏర్పడింది. దీనిపై ప్రభుత్వం సీరియస్గా స్పందించింది. ఉపముఖ్యమంత్రి భట్టి విక్రమార్క, మంత్రులు ఉత్తమ్ కుమార్ రెడ్డి, శ్రీధర్ బాబు కాలేజీ యాజమాన్యాలతో సోమవారం సమావేశమయ్యారు.
రూ.1,200 కోట్ల విడుదల హామీ
చర్చల అనంతరం ప్రభుత్వం స్పష్టమైన హామీ ఇచ్చింది. దీపావళి లోపు మొత్తం రూ.1,200 కోట్లు విడుదల చేస్తామని భట్టి ప్రకటించారు. ఈ మొత్తాన్ని ఒకేసారి కాకుండా రెండు దశల్లో విడుదల చేయనున్నారు. ఇప్పటికే టోకెన్లు ఇచ్చిన రూ.600 కోట్లు వారంలో విడుదల చేస్తామని తెలిపారు. మిగతా రూ.600 కోట్లు దీపావళి లోపు చెల్లింపులు చేస్తామని స్పష్టం చేశారు.
బంద్ ఉపసంహరణ – యాజమాన్యాల సంతోషం
ప్రభుత్వం హామీ ఇవ్వడంతో రేపటి నుంచి ప్రారంభమయ్యే బంద్ను వృత్తివిద్యా కాలేజీలు ఉపసంహరించుకున్నాయి. ఈ నిర్ణయంతో విద్యార్థులు, తల్లిదండ్రులు ఊపిరిపీల్చుకున్నారు. యాజమాన్యాలు డిప్యూటీ సీఎం భట్టీకి ధన్యవాదాలు తెలిపారు. ఈ చర్యతో విద్యార్థుల తరగతులు ఎటువంటి ఆటంకం లేకుండా కొనసాగనున్నాయి.ఫీజు రీయింబర్స్మెంట్ ప్రక్రియలో భవిష్యత్తులో ఇలాంటి సమస్యలు తలెత్తకూడదనే ఉద్దేశంతో ప్రభుత్వం కొత్త నిర్ణయం తీసుకుంది. ఫీజు రీయింబర్స్మెంట్ రేషనలైజేషన్ కోసం ప్రత్యేక కమిటీని ఏర్పాటు చేయనుంది. ఈ కమిటీ భవిష్యత్తులో బకాయిల సమస్యను పూర్తిగా నివారించేలా సూచనలు ఇవ్వనుంది.
విద్యార్థులపై ప్రభావం
ఈ నిర్ణయం వృత్తివిద్యా కాలేజీలలో చదువుతున్న విద్యార్థులకు పెద్ద ఊరటనిచ్చింది. ఫీజు బకాయిల సమస్య వల్ల తరగతులు ఆగిపోతాయేమోనని ఆందోళన చెందిన విద్యార్థులు ఇప్పుడు సంతోషంగా ఉన్నారు. విద్య కొనసాగింపుపై ఎలాంటి ఇబ్బందులు రాకుండా ప్రభుత్వం చర్యలు తీసుకోవడం ప్రశంసనీయమని తల్లిదండ్రులు అభిప్రాయపడుతున్నారు.ప్రభుత్వం ఇచ్చిన హామీ ప్రకారం నిధులు సమయానికి విడుదలైతే వృత్తివిద్యా సంస్థలకు మరింత నమ్మకం కలుగుతుంది. రేషనలైజేషన్ కమిటీ పనితీరు సమర్థవంతంగా ఉంటే ఇకపై ఈ సమస్య పూర్తిగా తగ్గిపోతుంది. విద్యార్థులు నిశ్చింతగా చదువుకునే వాతావరణం ఏర్పడుతుంది.
Read Also :
