జెనీవాలో వేలానికి గోల్కొండ నీలివజ్రం – శతాబ్దాల క్రితం మహారాజుల ఆభరణం మళ్లీ దృష్టి కేంద్రంలోకి
Golconda ఖనిజ సంపదలో ఒక అరుదైన నీలివజ్రం మరోసారి ప్రపంచ వ్యాప్తంగా అందరి దృష్టిని ఆకర్షిస్తోంది. ‘ Golconda బ్లూ’గా ప్రసిద్ధి చెందిన ఈ 23.24 కేరట్ల నీలివజ్రం, స్విట్జర్లాండ్లోని జెనీవా నగరంలో మే 14న వేలానికి రానుంది. ప్రముఖ క్రిస్టీస్ వేలం సంస్థ ఈ విలువైన వజ్రాన్ని ప్రపంచ శ్రేణి కొనుగోలుదారులకు అందించబోతోంది. ఇది ఒకప్పుడు ఇండోర్ మహారాజు యశ్వంత్రావు హోల్కర్ 2 వద్ద ఉండేది. ఈ నీలివజ్రం గొప్ప చరిత్ర, రాచరిక నేపథ్యం కలిగిన విలువైన ఆభరణంగా మారింది.ప్రస్తుతం ఈ వజ్రాన్ని ఒక ఉంగరంలో అమర్చారు. దీని విలువ రూ.300 కోట్ల నుంచి రూ.430 కోట్ల మధ్య పలుకుతుందని క్రిస్టీస్ సంస్థ ప్రతినిధి రాహుల్ కడాకియా తెలిపారు. Golconda బ్లూ’ నీలివజ్రం తన ప్రత్యేకమైన రంగు, నాణ్యత మరియు స్వచ్ఛత కారణంగా ప్రపంచ స్థాయిలో అరుదైన వజ్రాల్లో ఒకటిగా గుర్తించబడింది. ఇది ఒక చక్కటి రాచరిక కళాఖండంగా భావించబడుతోంది.ఈ వజ్రానికి సంబంధించిన చరిత్రలో ఎంతో ఆసక్తికరమైన ఘట్టాలున్నాయి. 1923లో ఈ వజ్రాన్ని ఒక బ్రాస్లెట్లో అమర్చారు. తరువాత మహారాణి ధరించే నెక్లెస్లో ఇది రెండు ఇతర వజ్రాలతో కలిపి ‘ఇండోర్ పియర్స్’ పేరిట వినియోగించబడింది. ఫ్రెంచ్ చిత్రకారుడు బెర్నార్డ్ బౌటెట్ గీసిన ఒక చిత్రంలో ఈ నెక్లెస్ ధరిస్తున్న మహారాణిని చూడవచ్చు. ఇది ఈ వజ్రానికి ఉన్న రాజసౌరభాన్ని తెలియజేస్తుంది.
1947 నుండి ఈ వజ్రం ప్రపంచ ప్రముఖ ఆభరణాల వ్యాపారి హ్యారీ విన్స్టన్ చేతిలోకి వెళ్లింది. అనంతరం బరోడా మహారాజు దీన్ని కొనుగోలు చేశారు. అక్కడి నుంచి కొంతకాలం తర్వాత మళ్లీ ప్రైవేట్ వ్యక్తుల చేతుల్లోకి వెళ్లిపోయింది. ఇప్పుడు ఈ వజ్రం జెనీవాలోని ఫోర్ సీజన్స్ హోటల్లో నిర్వహించబోయే ప్రత్యేక వేలంలో ప్రదర్శించనున్నారు.ప్రపంచవ్యాప్తంగా నీలివజ్రాలకు ఉన్న డిమాండ్ గురించి చెప్పుకుంటే, 14.62 కేరట్ల ఓపెన్ హైమర్ బ్లూ వజ్రం రూ.495 కోట్లకు అమ్ముడుపోయిన విషయం ప్రస్తావించాల్సిందే. గోల్కొండ బ్లూ కూడా అలాంటి స్థాయిలోనే విలువైనదిగా భావించబడుతోంది. ఇది భారతదేశం యొక్క ఖనిజ వైభవాన్ని ప్రపంచానికి మరింతగా తెలియజేసే అవకాశంగా మారింది.
Read more :