Global Summit 2025: తెలంగాణ రైజింగ్ గ్లోబల్ సమ్మిట్లో ముఖ్యమంత్రి రేవంత్ రెడ్డి(Revanth Reddy) కీలక అంశాలను వివరించారు. రాష్ట్ర పురోగతి వేగంగా కొనసాగుతోందని, 2047 నాటికి నిర్దేశించుకున్న లక్ష్యాల దిశగా ప్రభుత్వం కృషి చేస్తోందని పేర్కొన్నారు. “తెలంగాణను వచ్చే రెండు దశాబ్దాల్లో 3 ట్రిలియన్ డాలర్ల ఆర్థిక వ్యవస్థగా రూపుదిద్దడం మా ప్రధాన దృష్టి” అని ఆయన తెలిపారు. పారిశ్రామిక మరియు ఆర్థిక నిపుణుల అభిప్రాయాలను స్వాగతిస్తున్నామని చెప్పారు. కేంద్ర ప్రభుత్వం 2047 నాటికి దేశ జీడీపీని 30 ట్రిలియన్ డాలర్లకు చేర్చాలన్న లక్ష్యంతో ముందుకు సాగుతున్న సందర్భంలో, అందులో తెలంగాణ 10 శాతం వాటా అందించాలనేది రాష్ట్ర ఆకాంక్ష అని స్పష్టం చేశారు.
Read also: Global Summit 2025: రైజింగ్ గ్లోబల్ సమ్మిట్పై నాగార్జున కీలక వ్యాఖ్యలు
‘క్యూర్–ప్యూర్–రేర్’ జోన్లతో రాష్ట్రానికి కొత్త రూపకల్పన
అతను ఇంకా మాట్లాడుతూ ఈ లక్ష్యం పెద్దదైనా, కృషితో సాధ్యమవుతుందని నమ్మకాన్ని వ్యక్తం చేశారు. అందరి సహకారం ఉంటే లక్ష్యం చేరుకోగలమని చెప్పారు. సోనియా గాంధీ, మన్మోహన్ సింగ్ నాయకత్వంలో తెలంగాణ రాష్ట్రం ఆవిర్భవించిందని గుర్తుచేశారు. దేశ జనాభాలో తెలంగాణకు 2.9% మాత్రమే ఉన్నప్పటికీ, జాతీయ ఆదాయానికి 5% సహకారం అందిస్తున్నామన్న విషయం ఆయన వివరించారు. రాష్ట్రాన్ని సేవా రంగం, తయారీ రంగం, వ్యవసాయ రంగాలకు సంబంధించిన మూడు జోన్లుగా ‘క్యూర్, ప్యూర్, రేర్’ కేటగిరీలుగా విభజించినట్టు తెలిపారు.
ప్రపంచ పెట్టుబడులను లక్ష్యంగా పెట్టుకున్న తెలంగాణ
అభివృద్ధి నమూనాగా చైనాలోని గ్వాంగ్డాంగ్ ప్రావిన్స్ను తీసుకున్నట్టు సీఎం వెల్లడించారు. అక్కడి ప్రాంతం రెండు దశాబ్దాల్లో ప్రపంచ స్థాయి పెట్టుబడులను ఆకర్షించిందని, అదే విధంగా తెలంగాణలో కూడా ఆ మోడల్ను అమలు చేయాలనే ప్రణాళిక ఉందన్నారు. చైనా, జపాన్, జర్మనీ, దక్షిణ కొరియా, సింగపూర్ వంటి దేశాల అభివృద్ధి విధానాలు తెలంగాణకు ప్రేరణగా నిలుస్తున్నాయని సీఎం రేవంత్ అన్నారు.
Read hindi news:hindi.vaartha.com
Epaper: epaper.vaartha.com
Read Also:
