G.T. Jeevan: తెలంగాణ ప్రభుత్వ రంగ సంస్థల బలోపేతానికి, కొత్త ఉద్యోగ నియామకాలపై ప్రభుత్వం ప్రత్యేక చొరవ చూపాలని ప్రభుత్వరంగ సంస్థల ఉద్యోగుల సమాఖ్య ప్రధాన కార్యదర్శి జీ.టి. జీవన్ ఒక ప్రకటనలో విజ్ఞప్తి చేశారు. తెలంగాణ ఏర్పడి పుష్కర కాలం గడుస్తున్నప్పటికీ ఉద్యోగుల సమస్యలు, క్రమబద్ధీకరణ (Sorting)అంశాలపై ప్రభుత్వం తగిన చర్యలు తీసుకోవాలని ఆయన కోరారు. ప్రభుత్వ పరిధిలో నడుస్తున్న కార్పోరేషన్లలో పనిచేస్తున్న ఉద్యోగుల సమస్యలు, కొత్త నియామకాల అవసరంపై త్వరలోనే ముఖ్యమంత్రికి వినతిపత్రం అందజేస్తామని తెలిపారు.
ఉద్యోగుల సమస్యలు మరియు క్రమబద్ధీకరణ అవసరం
తెలంగాణలో ప్రస్తుతం 93 ప్రభుత్వ రంగ కార్పోరేషన్లు ఉన్నాయని, వాటిలో 32 కార్పోరేషన్లు ప్రభుత్వానికి ఆదాయాన్ని సమకూర్చడమే కాకుండా ప్రజలకు వారధిగా పనిచేస్తున్నాయని జీవన్ చెప్పారు. ఈ సంస్థలు ప్రభుత్వానికి ఎన్నో లాభాలను తెచ్చిపెడుతున్నందున కొత్త ఉద్యోగ నియామకాలు చేపట్టడం అత్యవసరమని ఆయన సూచించారు. అదేవిధంగా, ఉమ్మడి రాష్ట్రంలో ఉన్న కార్పోరేషన్ల సమస్యలు ఇంకా పరిష్కారం కాలేదని, వాటిని సత్వరమే పరిష్కరించే చర్యలు చేపట్టాలని ఆయన విజ్ఞప్తి చేశారు. కార్పోరేషన్లకు ఛైర్మన్లు, పరిపాలన అధికారులుగా ఐఏఎస్ అధికారులను నియమించాల్సిన అవసరం ఉందని, తద్వారా సంస్థలు బలోపేతం అవుతాయని అభిప్రాయపడ్డారు.
ప్రస్తుతం కార్పోరేషన్లలో తగిన ఉద్యోగులు లేకపోవడం వల్ల అవుట్సోర్సింగ్ ఉద్యోగులపై ఆధారపడాల్సి వస్తోందని, కొన్ని సంస్థల్లో ఎండీలు లేకపోవడంతో ఇంచార్జ్లతో కొనసాగించడం వల్ల పురోగతి సాధించడం కష్టమవుతోందని ఆయన అన్నారు. కార్పోరేషన్ల రీ-ఆర్గనైజింగ్ కమిటీని ఏర్పాటు చేసి, ఆ బాధ్యతలను మాజీ సీఎస్ శాంతికుమారికి అప్పగించడం పట్ల హర్షం వ్యక్తం చేశారు.
విభిన్న రంగాల్లో సేవలందిస్తున్న ప్రభుత్వ కార్పోరేషన్లు
ప్రభుత్వ సంక్షేమ పథకాలను ప్రజలకు చేరవేయడంలో కార్పోరేషన్లు(Corporations) కీలక పాత్ర పోషిస్తున్నాయని జీవన్ గుర్తు చేశారు. వ్యవసాయ రంగం, పోలీస్ హౌసింగ్ బోర్డు, బేవరేజెస్, మినరల్, టూరిజం, మెడికల్ & హెల్త్, పారిశ్రామిక రంగం, స్టేట్ ఫైనాన్స్ కార్పొరేషన్లు ఇలా అనేక విభాగాల్లో ఈ సంస్థలు రైతులకు, విద్యాసంస్థలకు, ప్రజలకు సేవలు అందిస్తున్నాయని వివరించారు.అందువల్ల కొత్త ఉద్యోగ నియామకాలు చేపట్టడం, మౌలిక వసతులను మెరుగుపరచడం వంటి చర్యల్లో ప్రభుత్వం చొరవ చూపాలని ఆయన విజ్ఞప్తి చేశారు.
తెలంగాణలో ఎన్ని ప్రభుత్వ రంగ కార్పోరేషన్లు ఉన్నాయి?
ప్రస్తుతం తెలంగాణలో 93 ప్రభుత్వ రంగ కార్పోరేషన్లు ఉన్నాయి.
వీటిలో ఎన్ని కార్పోరేషన్లు ప్రభుత్వానికి ఆదాయం అందిస్తున్నాయి?
సుమారు 32 కార్పోరేషన్లు ప్రభుత్వానికి ఆదాయం సమకూరుస్తున్నాయి.
Read Hindi News: hindi.vaartha.com
Read also :
