దుబాయ్ నుండి హైదరాబాద్ వస్తున్న ఎమిరేట్స్ విమానానికి బాంబు బెదిరింపు రావడంతో తీవ్ర కలకలం రేగింది. రాజీవ్ గాంధీ (Rajiv Gandhi) అంతర్జాతీయ విమానాశ్రయం (RGIA) లోని ఎయిర్పోర్ట్ కస్టమర్ సపోర్ట్ కేంద్రానికి ఈ-మెయిల్ ద్వారా “విమానాన్ని పేల్చేస్తాం” అంటూ ఈ బెదిరింపు సమాచారం అందింది.
Read Also: TG: మరో పదేళ్లు రేవంత్ సీఎంగా ఉంటేనే అభివృద్ధి: దానం నాగేందర్
అధికారులు వెంటనే అప్రమత్తమై, విమానాన్ని సురక్షితంగా ల్యాండ్ చేసి, ప్రయాణికులను కిందకు దించారు. విమానాన్ని క్షుణ్ణంగా తనిఖీ చేయగా, ఇప్పటి వరకు ఎలాంటి అనుమానాస్పద వస్తువులు లభించలేదని అధికారులు ధృవీకరించారు.
హైదరాబాద్ విమానాలపై వరుస బెదిరింపులు
హైదరాబాద్ (Hyderabad) నగరానికి వచ్చే విమానాలను లక్ష్యంగా చేసుకుని ఇటీవల వరుసగా బాంబు బెదిరింపులు వస్తున్నట్లు అధికారులు గుర్తించారు. గురువారం ఒక్కరోజే, వివిధ ప్రాంతాల నుంచి హైదరాబాద్ వచ్చే విమానాలను లక్ష్యంగా చేసుకుని ఇలాంటి బెదిరింపులు వచ్చాయి.
మళ్లించిన విమానాలు
- మదీనా నుంచి హైదరాబాద్ వస్తున్న విమానంలో బాంబు పెట్టినట్లు బెదిరింపు రావడంతో, దానిని అహ్మదాబాద్కు మళ్లించి అక్కడ తనిఖీలు నిర్వహించారు.
- షార్జా నుంచి నగరానికి వస్తున్న మరో విమానానికి కూడా బాంబు బెదిరింపు వచ్చింది.
ఈ వరుస బెదిరింపుల నేపథ్యంలో విమానాశ్రయాల్లో భద్రతను మరింత కట్టుదిట్టం చేశారు.
Read hindi news: hindi.vaartha.com
Epaper: epaper.vaartha.com/
Read Also: