Diwali: తెలంగాణ ప్రభుత్వం సురక్షిత సూచనలు

సోమవారం దీపావళి(Diwali) పండుగను తెలంగాణలోని ప్రజలు ఆనందంగా జరుపుకోవడానికి సిద్ధమవుతున్నారు. చెడుపై మంచి సాధన చేసిన విజయానికి ప్రతీకగా దీపావళి(Diwali) వెలుగులు, బాణాసంచాలు, పటాకుల వేడుకలు అనివార్యం. పండుగ కోసం భారీగా బాణాసంచాలు కొనుగోలు చేస్తూ మార్కెట్లు సందడి చేస్తున్నాయి.

దీని నేపధ్యంలో తెలంగాణ ప్రభుత్వం(Telangana Government) సురక్షితంగా దీపావళి జరుపుకోవడానికి ప్రజలకు కొన్ని ముఖ్యమైన సూచనలను జారీ చేసింది. అగ్ని ప్రమాదాలు, ఇతర అనుకోని సంఘటనలు రాకుండా ఉండటానికి ఈ సూచనలు అవసరం.

✅ చేయవలసినవి

నాణ్యమైన బాణాసంచా కొనుగోలు: లైసెన్స్ పొందిన విక్రేతల వద్ద మాత్రమే కొనుగోలు చేయాలి.
బహిరంగ ప్రదేశాల్లో మాత్రమే కాల్చడం: భవనాలు, అపార్ట్‌మెంట్లు, ఫ్లాట్లలో కాల్చకూడదు.
వాహనాలను దూరంలో ఉంచడం: బాణాసంచా మంటల వద్ద వాహనాలు లేదా ఇతర వస్తువులు వద్దు.
పిల్లలపై పర్యవేక్షణ: పటాసులు కాల్చేటప్పుడు పిల్లలపై నిఘా ఉంచాలి.
అగ్ని ఆపడానికి సౌకర్యాలు: బకెట్‌లో నీళ్లు, ఇసుక లేదా ఎక్స్టింగ్విషర్లు సిద్ధంగా ఉంచాలి.
విద్యుద్ దీపాల పరిశీలన: ఇంటిని అలంకరించే దీపాలను ముందే చెక్ చేసి, డ్యామేజ్ ఉన్న వాటిని ఉపయోగించరాదు.
పర్యావరణ హిత పటాకులు: తక్కువ శబ్దం చేసే పటాకులను మాత్రమే ఉపయోగించాలి.
సరైన దుస్తులు ధరించడం: కాటన్ లేదా అగ్ని నిరోధక వస్త్రాలను ధరించాలి.