Cyber Alert: డిజిటల్ కాలంలో సురక్షితంగా ఉండటం ప్రతి పౌరుడి బాధ్యత అని హైదరాబాద్(Hyderabad) పోలీసు కమిషనర్ సజ్జనార్ స్పష్టం చేశారు. ఆన్లైన్ ప్రపంచంలో ప్రతి ఒక్కరి వ్యక్తిగత సమాచారం, బ్యాంకింగ్ వివరాలు, ఫోటోలు, డాక్యుమెంట్లు—అన్నీ డేటాగా మారి, మీ జీవితానికి నేరుగా సంబంధించిన అంశాలు అవుతున్నాయని ఆయన గుర్తు చేశారు. ఎలాంటి నిర్లక్ష్యం లేదా చిన్న పొరపాటు కూడా డేటా దోపిడీకి దారితీసే అవకాశం ఉందని, కాబట్టి ప్రతి ఒక్కరూ జాగ్రత్తగా ఉండాలని సూచించారు. X ప్లాట్ఫారమ్లో చేసిన సందేశంలో “మీ డేటాని కాపాడేది ముందుగా మీరు” అని స్పష్టంగా చెప్పారు.
Read also:Unclaimed Funds: అన్క్లెయిమ్డ్ అమౌంట్లపై బ్యాంకుల ప్రత్యేక విజ్ఞప్తి
డేటా చోరీ జరిగితే ఎం చేయాలి?
చాలా మంది డేటా దొంగిలించబడినా ఏం చేయాలో తెలియక ఆందోళనకు గురవుతుంటారు. ఈ పరిస్థితిలో ఆలస్యం ప్రమాదకరమని సీపీ హెచ్చరిస్తున్నారు. డేటా చోరీ, ఆన్లైన్ మోసం, బ్యాంక్ ఫ్రాడ్, ఫోన్ హ్యాకింగ్ వంటి ఘటనల్లో వెంటనే చర్యలు తీసుకోవాలి. అలాంటి సందర్భాల్లో మొదటి అడుగు: జాతీయ సైబర్ సెక్యూరిటీ హెల్ప్లైన్ 1930కు వెంటనే కాల్ చేయడం. ఫ్రాడ్ ట్రాన్సాక్షన్ జరిగితే త్వరగా సమాచారం అందిస్తే, డబ్బు ఫ్రీజ్ చేసే అవకాశం ఎక్కువ. అదే విధంగా, ఎవరికైనా ఆన్లైన్ మోసానికి గురైనట్లు అనిపిస్తే లేదా వారి వ్యక్తిగత డేటా ఎక్కడైనా లీక్ అయినట్లు తెలిసినా, వెంటనే cybercrime.gov.in అనే అధికారిక పోర్టల్లో ఫిర్యాదు నమోదు చేయాలని సూచించారు.
ఎందుకు జాగ్రత్త అవసరం?
Cyber Alert: ఇటీవలి కాలంలో సైబర్ మోసాలు వేగంగా పెరుగుతున్నాయి. OTP స్కామ్లు, ఫిషింగ్ మెసేజ్లు, ఫేక్ యాప్లు, సోషల్ మీడియా అకౌంట్ హ్యాకింగ్—ఇలాంటి ఘటనలు ప్రతిరోజూ పెరుగుతున్నాయి. ఒక సారి డేటా దొంగిలించబడితే, వ్యక్తిగతంగానే కాదు ఆర్థికంగా కూడా నష్టం వాటిల్లే ప్రమాదం ఉంటుంది.
కాబట్టి సజ్జనార్ ప్రజలకు సూచన చేస్తూ—
- అనుమానాస్పద లింకులు ఓపెన్ చేయొద్దు
- తెలియని కాల్స్/మెసేజ్లకు స్పందించొద్దు
- సోషల్ మీడియాలో వ్యక్తిగత వివరాలు పంచొద్దు
అని చెప్పడం ద్వారా అవగాహన పెంచారు.
డేటా చోరీ జరిగిన వెంటనే ఎం చేయాలి?
జాతీయ హెల్ప్లైన్ 1930 కు కాల్ చేసి, cybercrime.gov.inలో ఫిర్యాదు నమోదు చేయాలి.
ఫిర్యాదు చేసేటప్పుడు ఏ వివరాలు అవసరం?
ఘటన వివరాలు, స్క్రీన్షాట్లు, ట్రాన్సాక్షన్ వివరాలు, వ్యక్తిగత సమాచారం.
Read hindi news : hindi.vaartha.com
Epaper : epapervaartha.com
Read Also:
