BRS : ప్రతిపక్ష బీఆర్ఎస్ పార్టీ నిర్వహించిన మాక్ అసెంబ్లీపై కాంగ్రెస్ కార్పొరేషన్ ఛైర్మన్ సామ రామ్మోహన్ రెడ్డి తీవ్రస్థాయిలో విరుచుకుపడ్డారు. బీఆర్ఎస్ నేతల తీరు ప్రసిద్ధ కామెడీ షోలతో పోటీ పడుతున్నట్లు ఉందంటూ ఎద్దేవా చేశారు. అధికారంలో ఉన్నప్పుడు ప్రజా సమస్యలను పట్టించుకోని బీఆర్ఎస్ నాయకులు, ఇప్పుడు ప్రతిపక్షంలోకి వచ్చినా కేవలం రాజకీయ డ్రామాలు ఆడటానికే పరిమితమయ్యారని విమర్శించారు. కేటీఆర్‌ను ఉద్దేశించి ‘డ్రామారావు’ అని వ్యాఖ్యానిస్తూ, ఈ పగటి వేషగాళ్ల వల్ల తెలంగాణ రాష్ట్రానికి రూపాయి లాభం కూడా లేదని ఎద్దేవా చేశారు. ప్రజల సమస్యలపై అసెంబ్లీలో మాట్లాడే ధైర్యం లేకనే ఇలాంటి నాటకాలకు తెరతీశారని ఆయన ఆరోపించారు.
Read Also : ధరణి ద్వారా బీఆర్ఎస్ భూదందా చేసింది: మంత్రి పొంగులేటి
ముఖ్యమంత్రి పాత్రలో తలసాని సంచలన వ్యాఖ్యలు: పొలిటికల్ హీట్ పెంచిన మాక్ అసెంబ్లీ
ఇదిలా ఉండగా, బీఆర్ఎస్ నిర్వహించిన మాక్ అసెంబ్లీలో ముఖ్యమంత్రి పాత్రను పోషించిన మాజీ మంత్రి తలసాని శ్రీనివాస్ యాదవ్ చేసిన వ్యాఖ్యలు రాజకీయంగా పెద్ద దుమారమే రేపాయి. “నన్ను అన్ని మాటలు అన్న సురేఖను ఢిల్లీకి వెళ్లి తొక్కి వచ్చాను” అంటూ ఆయన విసిరిన సెటైర్లు కాంగ్రెస్ శ్రేణుల్లో తీవ్ర ఆగ్రహాన్ని తెప్పించాయి. అసెంబ్లీ సాక్షిగా జరగాల్సిన ప్రజాస్వామ్య చర్చలను పక్కనబెట్టి, వ్యక్తిగత విమర్శలు మరియు నాటకీయ పరిణామాలకు వేదికగా మాక్ అసెంబ్లీని మార్చేశారని కాంగ్రెస్ వర్గాలు మండిపడుతున్నాయి. ఈ పరిణామాలు తెలంగాణ రాజకీయాల్లో కాంగ్రెస్, బీఆర్ఎస్ మధ్య మాటల యుద్దాన్ని మరింత వేడెక్కించాయి.
Read Also hindi news: hindi.vaartha.com
Read Also Epaper : epaper.vaartha.com
Read Also :