CJP Protest : దేశవ్యాప్తంగా పెను సంచలనం సృష్టించిన నీట్ (NEET) పరీక్ష పేపర్ లీకేజీ ఉదంతానికి బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ తక్షణమే తన పదవికి రాజీనామా చేయాలని డిమాండ్ చేస్తూ హైదరాబాద్‌లోని ఇందిరాపార్క్ ధర్నా చౌక్ వద్ద ‘కాక్రోచ్ జనతా పార్టీ’ (CJP) ఆధ్వర్యంలో భారీ శాంతియుత నిరసన ప్రదర్శన ప్రారంభమైంది. ఈ ఆందోళన కార్యక్రమానికి నగరంలోని విద్యాసంస్థల నుండి యువకులు, విద్యార్థులు పెద్ద ఎత్తున తరలివచ్చారు. “రాజ్యాంగం జిందాబాద్”, “విద్యార్థుల భవిష్యత్తుతో ఆటలు ఆపండి” అంటూ ధర్నా చౌక్ పరిసరాల్లో యువత భారీ నినాదాలు చేశారు. ఈ నిరసన మరింత ఉధృతం కానున్న నేపథ్యంలో, ప్రముఖ సామాజిక కార్యకర్త సోనమ్ వాంగ్‌చుక్ మరియు సీజేపీ అధికార ప్రతినిధి విజేత దహియా మరికాసేపట్లో ఈ ధర్నా వేదికకు చేరుకుని విద్యార్థులకు మద్దతు ప్రకటించనున్నారు.
Read Also : హనుమకొండలో ఘోరం: పెళ్లి పేరుతో నమ్మించి.. వివాహితపై ఎస్ఐ అత్యాచారం
లాల్ బహదూర్ శాస్త్రిని గుర్తుచేసిన ప్రొఫెసర్ నాగేశ్వర్: కేంద్ర ప్రభుత్వంపై నిప్పులు
ఈ ధర్నా కార్యక్రమంలో పాల్గొన్న ప్రముఖ రాజకీయ విశ్లేషకులు, ప్రొఫెసర్ కె. నాగేశ్వర్ కేంద్ర ప్రభుత్వం మరియు మంత్రి ధర్మేంద్ర ప్రధాన్పై తీవ్రస్థాయిలో విమర్శలు గుప్పించారు. గతంలో ఎక్కడో రైలు ప్రమాదం జరిగితే నైతిక బాధ్యత వహిస్తూ నాటి రైల్వే మంత్రి లాల్ బహదూర్ శాస్త్రి రాజీనామా చేసిన విషయాన్ని ఆయన ఈ సందర్భంగా గుర్తుచేశారు. కానీ నేడు లక్షలాది మంది విద్యార్థుల భవిష్యత్తు రోడ్డున పడినా కేంద్ర మంత్రులకు బాధ్యత లేకుండా పోయిందని మండిపడ్డారు. దేశంలో 20 శాతం మంది యువత నిరుద్యోగంతో అల్లాడుతుంటే, కార్పొరేట్ కంపెనీలు ఒక్క ఈమెయిల్‌తో ఉద్యోగాల నుంచి తీసేస్తున్నాయని ఆవేదన వ్యక్తం చేశారు. దేశంలో ఉల్లిగడ్డల ధరలు పెరిగితే తానేమీ ఉల్లిగడ్డలు తిననని కేంద్ర ఆర్థిక మంత్రి బాధ్యతారాహిత్యంగా మాట్లాడుతున్నారని ధ్వజమెత్తారు. ఇంతటి ఘోరమైన విద్యా వ్యవస్థ వైఫల్యానికి సమాధానం చెప్పి రాజీనామా చేయమంటే మంత్రి ధర్మేంద్ర ప్రధాన్ ఎక్కడా కనిపించడం లేదని ప్రొఫెసర్ నాగేశ్వర్ తీవ్రంగా ఆక్షేపించారు. కాక్రోచ్ జనతా పార్టీ HYDలో చేపట్టిన ధర్నాలో ప్రొ.నాగేశ్వర్ కేంద్రమంత్రి ధర్మేంద్ర ప్రధాన్పై మండిపడ్డారు. ‘ఎక్కడో రైలు ప్రమాదం జరిగితే ఆనాడు లాల్బహదూర్ శాస్త్రి రాజీనామా చేశారు. ఇప్పుడు ఉల్లిగడ్డల ధరలు పెరిగాయనంటే తాను ఉల్లిగడ్డలు తిననని ఆర్థిక మంత్రి చెబుతున్నారు. ఒక్క మెయిల్తో జాబ్స్ తీసేస్తున్నారు. దేశ యువతలో 20% నిరుద్యోగులే. రాజీనామా చేయమంటే ధర్మేంద్ర కనిపించడం లేదు’ అని వ్యాఖ్యానించారు.
Read Also hindi news: hindi.vaartha.com
Read Also Epaper : epaper.vaartha.com
Read Also :