CM Revanth: తెలంగాణ ముఖ్యమంత్రి రేవంత్ రెడ్డి మొయినాబాద్ డ్రగ్స్ కేసుపై కీలక వివరణ ఇచ్చారు. ఈ ఉదంతంలో ఏలూరు టీడీపీ ఎంపీ పుట్టా మహేష్కు స్టేషన్ బెయిల్ లభించడం వెనుక ప్రభుత్వ ప్రమేయం ఏమీ లేదని ఆయన స్పష్టం చేశారు. చట్టపరమైన నిబంధనల ప్రకారమే పోలీసుల ఈ నిర్ణయం తీసుకున్నారని, ఇందులో రాజకీయ జోక్యం లేదని సీఎం వెల్లడించారు. ఈ కేసులో ఉన్న ప్రతి అంశాన్ని క్షుణ్ణంగా పరిశీలిస్తున్నామని ఆయన పేర్కొన్నారు.
Read Also: Drugs Case CM Comments: మొయినాబాద్ కేసుపై చంద్రబాబు సీరియస్; ఎంపీ పుట్టా మహేష్కు షాక్!
డ్రగ్స్ వ్యవహారంలో ఉన్న నిజానిజాలను బయటకు తీసేందుకు ప్రభుత్వం ఇప్పటికే ప్రత్యేక విచారణ బృందాన్ని (SIT) ఏర్పాటు చేసింది. ఫామ్హౌస్లు వేదికగా జరుగుతున్న మాదకద్రవ్యాల పార్టీలు, అంతర్రాష్ట్ర గ్యాంగ్స్టర్ల ప్రమేయం ఉన్న సెటిల్మెంట్లపై లోతైన దర్యాప్తు జరపాలని అధికారులను సీఎం ఆదేశించారు. నేరస్థులు ఎంతటి వారైనా వదిలిపెట్టే ప్రసక్తే లేదని ఆయన గట్టిగా హెచ్చరించారు.
3 నెలల్లో చార్జ్షీట్ దాఖలు చేయాలని సీఎం రేవంత్ ఆదేశం
ఈ కేసు దర్యాప్తును వేగవంతం చేయాలని, వచ్చే మూడు నెలల్లోగా సమగ్రమైన చార్జ్షీట్ను కోర్టులో దాఖలు చేయాలని సిట్ అధికారులకు ముఖ్యమంత్రి స్పష్టమైన గడువు విధించారు. డ్రగ్స్ రహిత తెలంగాణే లక్ష్యంగా తమ ప్రభుత్వం ముందుకు సాగుతోందని, ఇలాంటి అసాంఘిక కార్యకలాపాలకు పాల్పడే వారిపై కఠిన చర్యలు తీసుకుంటామని రేవంత్ రెడ్డి పునరుద్ఘాటించారు.
Read hindi news: hindi.vaartha.com
Epaper: epaper.vaartha.com
Read Also:
