తెలంగాణ రాష్ట్రంలోని రేషన్ కార్డు దారులకు ముఖ్యమంత్రి రేవంత్ రెడ్డి తీపి కబురు అందించారు. 2026-27 వార్షిక బడ్జెట్లో ప్రతిపాదించిన ‘ఇందిరమ్మ కుటుంబ జీవిత బీమా’ పథకంపై ఆయన కీలక వివరణ ఇచ్చారు. రాష్ట్రంలో తెల్ల రేషన్ కార్డు కలిగి ఉన్న ప్రతి కుటుంబానికి ఈ బీమా సౌకర్యం వర్తిస్తుందని ముఖ్యమంత్రి స్పష్టం చేశారు. కేవలం పథకాలను ప్రకటించడమే కాకుండా, సామాన్యుడి ప్రాణానికి మరియు వారి కుటుంబ భవిష్యత్తుకు భరోసా కల్పించడమే తమ ప్రభుత్వ ప్రధాన లక్ష్యమని ఆయన పేర్కొన్నారు. ఈ పథకం ద్వారా రాష్ట్రంలోని సుమారు 1.15 కోట్ల కుటుంబాలకు లబ్ధి చేకూరనుంది, ఇది దేశంలోనే అతిపెద్ద సామాజిక భద్రతా పథకాల్లో ఒకటిగా నిలవనుంది.
Read Also : Garikapati Mid Day Meal Comments: గరికపాటి మధ్యాహ్న భోజనం వ్యాఖ్యలపై క్లారిటీ!
ఈ బీమా పథకం కింద అర్హులైన ప్రతి కుటుంబానికి రూ. 5 లక్షల వరకు భీమా రక్షణ లభిస్తుంది. జూన్ 2 నుంచి ఈ పథకాన్ని అధికారికంగా ప్రారంభించనున్నట్లు ప్రభుత్వం ఇప్పటికే వెల్లడించింది. అసెంబ్లీ బడ్జెట్ సమావేశాల అనంతరం మీడియాతో మాట్లాడిన రేవంత్ రెడ్డి, “తెలంగాణలో పుట్టడం, ఇక్కడ జీవించడం ఒక వరంగా భావించేలా మా ప్రభుత్వం ప్రతి అడుగు వేస్తుంది” అని భావోద్వేగంగా వ్యాఖ్యానించారు. ఆర్థికంగా వెనుకబడిన వర్గాలకు ఆకస్మిక విపత్తులు సంభవించినప్పుడు ఆ కుటుంబాలు వీధిన పడకుండా ఉండటానికి ఈ ‘ఇందిరమ్మ బీమా’ ఒక రక్షణ కవచంలా పనిచేస్తుందని విశ్లేషకులు అభిప్రాయపడుతున్నారు.
Read Also hindi news: hindi.vaartha.com
Read Also Epaper : epaper.vaartha.com
Read Also :
