గత రెండు రోజులు బీఆర్ఎస్ పార్టీకి, కేసీఆర్ కుమార్తె కల్వకుంట కవితల(Kavitha) మధ్య మాటల యుద్ధం కొనసాగుతున్నది. ఈ పరిణామాల మధ్య బీఆర్ఎస్ పార్టీ కవితను సస్పెండ్ చేసింది. పార్టీ వ్యతిరేక కార్యక్రమాలకు పాల్పడుతున్నదని పార్టీ అధినేత కేసీఆర్ కన్న కూతురు అని కూడా చూడకుండా పార్టీ నుంచి సస్పెండ్ చేశారు. దీంతో బుధవారం కవిత బీఆర్ఎస్ పార్టీ ప్రాథమిక సభ్యత్వానికి, ఎమ్మెల్సీ పదవికి రాజీనామా చేసారు. దీంతో ప్రజాశాంతి పార్టీ అధ్యక్షుడు కేఏ పాల్(KA Paul) కవితను తన పార్టీలోకి రావాలని ఆహ్వానించారు.
కవిత భవిష్యత్తు ఏమిటి?
కాగా మీడియా సమావేశంలో కవిత తాను బీసీల కోసం పోరాడుతానని చెప్పారు. కవిత నిజంగా నీవు బీసీల కోసం పోరాడాలంటే ఇప్పుడు బీసీల కోసం ఉన్న ఏకైక పార్టీ ప్రజాశాంతి(Party Prajashathi) పార్టీ. ప్రజాశాంతి పార్టీతో చేయి కలుపు, నువ్వు బీజేపీ పంపిన బాణం కాదని రుజువు చేసుకో అని ఆయన అన్నారు. బీజేపీ బ్రాహ్మణుల పార్టీ అని, కాంగ్రెస్ రెడ్ల పార్టీ అని.. దొరసానివైన నిన్ను ప్రజలు నమ్మాలంటే.. గద్దరన్న చేరిన పార్టీ ప్రజాశాంతి పార్టీలో చేరు. మా పార్టీలోకి రా. అంటూ కవితను కేఏ పాల్(KA Paul) ఆహ్వానించారు.
Read hindi news: Hindi.vaartha.com
Read Also: