తెలంగాణ సంస్కృతికి ప్రతీకగా నిలిచే బతుకమ్మ పండుగ ప్రపంచంలో ఎక్కడా లేని ప్రత్యేకమైన ఉత్సవం. ఇందులో పువ్వులను దేవతలుగా కొలుస్తారు. తొలిరోజు ఎంగిలిపూల బతుకమ్మతో ప్రారంభమై, చివరి రోజు సద్దుల బతుకమ్మతో ముగుస్తుంది. తొమ్మిది రోజుల(9 days) పాటు గ్రామీణ మహిళలు ప్రకృతిలో దొరికే అనేక పువ్వులను ఏరుకుని వాటితో అందమైన బతుకమ్మలను పేర్చుతారు. ఈ పూలను ఇంటి ముందు ఉంచి పాటలు పాడుతూ, ఆటలాడుతూ ఆనందిస్తారు. అనంతరం వాటిని సమీపంలోని చెరువులు, నదులు, బావుల్లో నిమజ్జనం చేస్తారు. ఇలా చేయడం వల్ల నీరు శుభ్రపడి, ఆరోగ్యానికి మేలు జరుగుతుందని విశ్వసిస్తారు.
పూలలో దాగిన ఔషధ గుణాలు
బతుకమ్మలో వాడే ప్రతి పువ్వు ఆరోగ్యానికి అనేక ప్రయోజనాలను అందిస్తుంది.
- గుమ్మడి పువ్వు: విటమిన్ A, C అధికంగా ఉండి కీళ్ల నొప్పులు, ప్రోస్టేట్ సమస్యలు దూరం చేస్తుంది.
- తంగేడు పువ్వు: మధుమేహం నియంత్రణ, కీళ్ల నొప్పులు తగ్గించడం, శరీరానికి చల్లదనం ఇవ్వడం.
- గునుగు పువ్వు: రక్తపోటు నియంత్రణ, నోటి పుండ్లు, దగ్గు, డయేరియాకు ఔషధం.
- పట్నం బంతి: గొంతు నొప్పి తగ్గించడం, కండరాల బిగుసుపోవడం నివారించడం.
- బంతి పువ్వు: వేడి తగ్గించడం, కిడ్నీ రాళ్లను కరిగించడం, గాయాలు, దద్దుర్లకు ఉపశమనం.
- పట్టుకుచ్చు (సీత జడ) పువ్వు: జలుబు, ఆస్తమా నివారణలో సాయపడుతుంది.
- తామర పువ్వు: అజీర్తి, మలబద్ధకం తగ్గించి, చర్మ వ్యాధులను నివారిస్తుంది.
శాస్త్రీయ దృక్కోణం
వర్షాకాలం తర్వాత చెరువుల్లో చేరిన నీటిలో సూక్ష్మక్రిములు విస్తరిస్తాయి. పూర్వం శుద్ధి పరికరాలు లేకపోవడంతో పూలలోని యాంటీ-బ్యాక్టీరియల్(Anti-bacterial) గుణాలు నీటిని సహజసిద్ధంగా శుభ్రపరచడంలో కీలక పాత్ర పోషించాయి. అందుకే బతుకమ్మ పండుగ కేవలం ఆచారమే కాకుండా ఆరోగ్య పరిరక్షణకు ఉపయోగపడే సంప్రదాయమని చెప్పవచ్చు.
బతుకమ్మ పండుగ ప్రత్యేకత ఏమిటి?
ప్రపంచంలో ఎక్కడా లేని విధంగా పూలను దేవతలుగా పూజించే ఏకైక పండుగ బతుకమ్మ.
బతుకమ్మ పండుగ ఎన్ని రోజుల పాటు జరుపుకుంటారు?
తొమ్మిది రోజుల పాటు, ఎంగిలిపూల బతుకమ్మతో మొదలై, సద్దుల బతుకమ్మతో ముగుస్తుంది.
Read hindi news: hindi.vaartha.com
Read Also: