తెలంగాణ ప్రభుత్వం రాష్ట్రంలో సాగునీటి, తాగునీటి అవసరాలను దృష్టిలో పెట్టుకుని ప్రాణహిత-చేవెళ్ల ప్రాజెక్టును మళ్లీ వేగవంతం చేయడానికి కీలక నిర్ణయాలు తీసుకుంటోంది. ఈ క్రమంలో ముఖ్యమంత్రి రేవంత్ రెడ్డి, ఇంజినీరింగ్ శాఖ ప్రతిపాదించిన తుమ్మిడిహెట్టి వద్ద కొత్తగా బ్యారేజీ నిర్మాణానికి గ్రీన్సిగ్నల్ ఇచ్చారు. ఈ ప్రాజెక్టు ద్వారా గోదావరి జలాలను భారీ ఎత్తున సేకరించి, రాష్ట్రంలోని అనేక జిల్లాలకు నీటి సరఫరా చేయాలనే లక్ష్యంతో ప్రభుత్వం ముందుకు సాగుతోంది.
Breaking News – TTD : ఉద్యోగులకు టీటీడీ బోర్డు గుడ్ న్యూస్
తుమ్మిడిహెట్టి వద్ద ఏర్పాటు చేయనున్న బ్యారేజీ నుంచి 80 టీఎంసీల నీటిని సుందిళ్లకు గ్రావిటీ ద్వారా తరలించే ప్రణాళికలు సిద్ధమవుతున్నాయి. అక్కడి నుంచి ఎల్లంపల్లి రిజర్వాయర్కు ఎత్తిపోసే విధంగా మళ్లీ సాంకేతిక డిజైన్లను రూపొందించాలని సీఎం అధికారులను ఆదేశించారు. ఇలా గ్రావిటీతో నీటిని తరలిస్తే విద్యుత్ ఖర్చులు గణనీయంగా తగ్గి, ప్రాజెక్టు ఉపయోగాలు మరింత పెరుగుతాయని ప్రభుత్వం భావిస్తోంది.
అయితే, తుమ్మిడిహెట్టి నిర్మాణంతో మహారాష్ట్రలో కొన్ని ప్రాంతాల్లో ముంపు సమస్యలు ఎదురయ్యే అవకాశం ఉన్నందున, అక్కడి ప్రభుత్వంతో చర్చలు జరపాలని సీఎం సూచించారు. రెండు రాష్ట్రాల సమన్వయం కీలకమైందని అధికారులు కోరుకున్నారు. ప్రాజెక్టు పూర్తి అయితే కోటి ఎకరాల సాగుకు పెద్ద ఊతమిచ్చే తెలంగాణకు గోదావరి జలాల ఉపయోగా హక్కుల్లో బలం చేకూరుతుందని నిపుణులు అభిప్రాయపడుతున్నారు. మొత్తం మీద, ప్రాణహిత-చేవెళ్ల పునరుద్ధరణ—రాష్ట్ర ప్రగతికి నూతన శకానికి తెరలేపనుంది.
Read hindi news: https://hindi.vaartha.com
Epaper : https://epaper.vaartha.com/