మేజర్ అయిన అబ్బాయి, అమ్మాయి తమకు ఇష్టమైన జీవితభాగస్వామిని ఎంపిక చేసుకునే అధికారం ఉంది. ఇది చట్టం వారికి ఇచ్చిన హక్కు. కానీతమ ఇష్టానికి వ్యతిరేకంగా పెళ్లిచేసుకుందని అల్లుళ్లను చంపే అత్తామామలు ఉన్నారు. తెలంగాణ (Telangana) రాష్ట్రంలో అమృత, ప్రణయ్ ల ప్రేమవివాహం, ఆవిషాదం మనకందరికీ తెలిసిందే.తమకు ఇష్టం లేని అబ్బాయిని పెళ్లి చేసుకుందని, అమృత తండ్రి ప్రణయ్ ను సుపారీతో హతమార్చాడు. తర్వాత అతను ఆత్మహత్య చేసుకున్నాడు.
ఈ సంఘటన రాష్ట్రంలో సంచలనంగా మారింది. పరువుహత్యలకు కొదువ లేదు. తక్కువ కులంవాడిని పెళ్లిచేసుకుందని, కన్న కూతుళ్లనే హతమారుస్తున్నారు. తాజాగా తమ ఇష్టానికి వ్యతిరేకంగా కూతురు ప్రేమ పెళ్లి చేసుకుందని ఆమె తల్లిదండ్రులు పగబట్టారు. అంతటితో ఆగకుండా కూతురి అత్తింటివారిపై మూకుమ్మడిగా దాడి చేశారు.
అడ్డొచ్చిన కూతురిని బయటకు ఈడ్డుకుంటూ తీసుకొచ్చి..ఆమెచేతులు..కాళ్లకు తాడుకట్టి కారులో పడేసి ఎత్తుకెళ్లిపోయారు. సినీఫక్కీలో జరిగిన ఈ కిడ్నాప్ (Kidnap) కు సంబంధించిన సీసీటీవీ వీడియో ప్రస్తుతం వైరల్ గా మారింది. ఆ అమానుష ఘటన నగర శివారులోని కీసర పోలీస్ స్టేషన్ పరిధిలో బుధవారం జరిగింది.
ఆర్యసమాజంలో పెళ్లి
మేడ్చల్ (Medchal) జిల్లా కీసర నగర శివారులోని దమ్మాయిగూడ మున్సిపాల్టీ పరిధిలోని నర్సంపల్లి గ్రామానికి చెందిన చిత్తారి, పద్మల కుమారుడు ప్రవీణ్. అదే గ్రామానికి చెందిన బాల్ నర్సింహ, మహేశ్వరిల కుమార్తె శ్వేత ఏడేళ్లుగా ప్రేమించుకుంటున్నారు. అయితే వీరి వివాహానికి శ్వేత కుటుంబం,ఒప్పుకోలేదు.
దీంతో గల జులై 11న ప్రవీణ్, శ్వేత ఇంటి నుంచి వెళ్లిపోయి సికింద్రాబాద్ లోని ఆర్యసమాజ్ లోపెళ్లి చేసుకున్నారు. పెళ్లి తర్వాత,హైదరాబాద్ (Hyderabad) లో కాపురం ఉంటున్నారు. ఇద్దరిది ఒకే గ్రామం కావడంతో పెద్దలు మనసును మార్చుకుంటారని ఈ జంట భావించింది. ఈ క్రమంలో,ప్రవీణ్ తండ్రి ఆరోగ్యం బాగాలేకపోవడంతో సొంత ఊరు నర్సంపల్లికి వచ్చారు.
Indiramma house: పేదల ఆత్మగౌరవ చిహ్నం ఇందిరమ్మ ఇళ్లు
బలవంతంగా ఎత్తుకెళ్లిన వైనం
ఈ విషయం తెలుసుకున్న శ్వేత తల్లిదండ్రులు బాల్ నర్సింహ, మహేశ్వరి, బంధువులు కారులో వచ్చి ప్రవీణ్ ఇంటిపై దాడి చేశారు. శ్వేతను బలవంతంగా కాళ్లు, చేతులకు తాడుకట్టి కారులో తీసుకెళ్లారు. అడ్డొచ్చిన ప్రవీణ్ తల్లిదండ్రడల కళ్లలో కారం చల్లి, కర్రలతో వారిపై విచక్షణారహితంగా దాడి చేశారు. ఇరుగుపొరుగు వారు చోద్యం చూస్తున్నారే తప్ప ఎవరూ అడ్డుకోలేదు. దీంతో శ్వేత భర్త ప్రవీణ్ కీసర పోలీసుస్టేషన్ లో ఫిర్యాదు చేశాడు. తన భార్యను తనకు అప్పగించాలని ఆయన పోలీసులను కోరారు.
Read hindi news: hindi.vaartha.com
Read Also:
