వరంగల్ అమ్మాయి నుంచి స్టార్ హీరోయిన్గా
స్వభావసౌందర్యంతో, సహజమైన చిరునవ్వుతో ప్రేక్షకులను ఆకట్టుకున్న హీరోయిన్ ఆనంది(Anandi) ప్రస్తుతం తెలుగు, తమిళ సినీ ప్రపంచంలో తనదైన గుర్తింపు సంపాదించుకుంది. వరంగల్కు చెందిన ఆమె, ఇటీవల సుమన్ టీవీకి ఇచ్చిన ఇంటర్వ్యూలో తన వ్యక్తిగత జీవితం, సినీ ప్రయాణం, పెళ్లి గురించి మనస్ఫూర్తిగా మాట్లాడింది.
ఆనంది మాట్లాడుతూ “చిన్నప్పటి నుంచి నాకు డాన్స్ అంటే చాలా ఇష్టం. సినిమా రంగంలోకి రావాలనే ఆలోచన పెద్దగా లేదు. కానీ తమిళ దర్శకుడు ప్రభు సాల్మన్ గారు నన్ను ఒక సినిమాలో చూసి నా పేరును ‘ఆనంది’గా మార్చారు. ఆ పేరు నా జీవితాన్నే మార్చేసింది. అలాగే టీవీ గేమ్ షోలో ఓంకార్ గారు నాకు అవకాశం ఇచ్చారు. ఆ షోలో నన్ను చూసిన దర్శకుడు మారుతి గారు ‘ఈ రోజుల్లో’ సినిమాలో అవకాశం ఇచ్చారు. అలా నా సినీ ప్రయాణం ప్రారంభమైంది,” అని చెప్పారు.
సినీ ప్రపంచం నుంచి జీవిత భాగస్వామి వరకు
నేను ఎలాంటి సినిమా కుటుంబానికి చెందినది కాదు. కానీ కష్టపడి నెమ్మదిగా ఇండస్ట్రీలో స్థానం సంపాదించాను. స్టార్ హీరోయిన్గా గుర్తింపు వచ్చినా, పెళ్లి విషయంలో అలాంటి ఆలోచన ఎప్పుడూ రాలేదు. సినిమా ఫీల్డ్లో ఉన్నవారినే పెళ్లి చేసుకోవాలని నేను ఎప్పుడూ అనుకోలేదు, అని ఆనంది వివరించింది.
ఒక సినిమా షూటింగ్ సందర్భంగా నా భర్త సొక్రటీస్ ను కలిశాను. ఆయన ఆలోచనలు, అభిప్రాయాలు, జీవన విధానం నాకు బాగా నచ్చాయి. అలా మేము ఒకరినొకరం అర్థం చేసుకుని, పెద్దల అంగీకారంతో 23 ఏళ్లకే పెళ్లి చేసుకున్నాం. ఇప్పుడు మాకు ఒక బాబు ఉన్నాడు వాడి పేరు ప్లేటో, అని ఆనంది ముద్దుగా చెప్పారు.
వ్యక్తిత్వమే నిజమైన అందం
ఎలాంటి మేకప్ లేకపోయినా సహజంగా ఉండటం నాకు ఇష్టం. నిజమైన అందం అంటే మన మనసులో ఉండే సానుకూలతే, అని ఆనంది పేర్కొంది. సినీ ప్రపంచంలో విజయాలు సాధించినా, తాను ఎప్పుడూ సాధారణంగా జీవించడం ఇష్టపడతానని ఆమె అన్నారు.
Read hindi news: hindi.vaartha.com
Epaper : epaper.vaartha.com/
Read Also:
