తెలంగాణ ప్రభుత్వ విప్ ఆది శ్రీనివాస్ (Aadi Srinivas) బీజేపీ నేతలు, ముఖ్యంగా ఎంపీ రఘునందన్ రావుపై తీవ్ర వ్యాఖ్యలు చేశారు. బీసీ రిజర్వేషన్ (BC Reservation) బిల్లుకు అనుకూలంగా కేంద్రాన్ని ఒత్తిడి చేయకపోవడాన్ని ఆయన ప్రశ్నించారు.
బీసీ బిల్లుపై బీజేపీ మౌనం ఎందుకు?
ఎంపీ రఘునందన్ రావు (MP Raghunandan Rao) కేంద్ర ప్రభుత్వం, బీజేపీ అధిష్ఠానాన్ని బీసీలకు 42 శాతం రిజర్వేషన్ బిల్లును ఆమోదించమని ఎందుకు ఒత్తిడి చేయడం లేదని ఆది శ్రీనివాస్ (Aadi Srinivas) ప్రశ్నించారు. బీజేపీ అగ్రకుల ప్రాతినిధ్యం ఉన్న పార్టీగా నిలుస్తోందని ఆరోపించారు. రిజర్వేషన్ల బిల్లును అంగీకరించకుండా అసంబద్ధమైన వ్యాఖ్యలు చేయడం తగదని విమర్శించారు.
బీసీలకు రాజకీయం లో అవకాశాలపై నిలదీత
తమ పీసీసీ అధ్యక్షుడు బీసీ బిడ్డ అని పేర్కొన్న ఆది శ్రీనివాస్, తెలంగాణ రాష్ట్ర బీజేపీ అధ్యక్షుడు ఎవరో చెప్పాలని ప్రశ్నించారు. బీసీలకు పార్టీలో నాయకత్వ స్థానాలు ఇవ్వాలని ఎందుకు డిమాండ్ చేయడం లేదని రఘునందన్ రావును నిలదీశారు. తమ పార్టీ బీసీలకు 42 శాతం రిజర్వేషన్ల కోసం కట్టుబడి ఉందని, భవిష్యత్తులో మరిన్ని అవకాశాలు కల్పించనున్నామని తెలిపారు.
కాంగ్రెస్ సామాజిక న్యాయానికి కట్టుబడి ఉంది
రేవంత్ రెడ్డి స్వయంగా బీసీ వర్గానికి చెందినవాడు కాకపోయినా, బీసీల ప్రయోజనాల కోసం రిజర్వేషన్ బిల్లును తీసుకురావడం కాంగ్రెస్ పార్టీ నిబద్ధతకు నిదర్శనమని ఆది శ్రీనివాస్ వివరించారు. కాంగ్రెస్ పార్టీకి బీజేపీ నేతలు నైతిక బోధలు ఇవ్వాల్సిన అవసరం లేదని స్పష్టం చేశారు.
రాహుల్ గాంధీ ప్రధాని అయితే బీసీలకు రిజర్వేషన్లు ఖాయం
బీజేపీ ప్రభుత్వం బీసీ బిల్లును ఆమోదించలేకపోతే, రాహుల్ గాంధీ ప్రధాని అయిన తర్వాత మాత్రం ఈ బిల్లు పార్లమెంటులో ఆమోదింపబడుతుందనే నమ్మకాన్ని ఆయన వ్యక్తం చేశారు. కాంగ్రెస్ పార్టీని సామాజిక న్యాయానికి సంకేతంగా అభివర్ణించిన ఆది శ్రీనివాస్, బీసీల హక్కుల కోసం పోరాటం కొనసాగుతుందని హామీ ఇచ్చారు .
Read hindi news: hindi.vaartha.com
Read also: Car Accident: ఇంటిగోడపైకి కారు ఎక్కించిన నిద్రమత్తు