WhatsApp: సోషల్ మీడియాలో తిరుగుతున్న APK ఫైల్ లింకులు వినియోగదారులకు పెద్ద ముప్పుగా మారుతున్నాయని సైబర్ భద్రత నిపుణులు హెచ్చరిస్తున్నారు. తెలియని APK ఫైల్లను క్లిక్ చేయడం ద్వారా మొబైల్(mobile) పూర్తిగా హ్యాకర్ల నియంత్రణలోకి వెళ్లే ప్రమాదం ఉన్నదని, ముఖ్యంగా బ్యాంక్ అకౌంట్లలోని సెన్సిటివ్ డేటా పూర్తిగా బహిర్గతం అవుతుందని తెలిపారు. ఇటీవల తెలంగాణలో ఈ రకం మొబైల్ హ్యాకింగ్ కేసులు గణనీయంగా పెరిగినట్టు సమాచారం.
Read Also: M Revanth Reddy: తెలంగాణలో డబుల్ రిజిస్ట్రేషన్ సమస్యకు చెక్
మొబైల్ హ్యాకింగ్
హ్యాకర్లు వాట్సాప్(WhatsApp) ద్వారా APK రూపంలో మాల్వేర్(Malware) పంపించి, ఫోన్ను రిమోట్గా యాక్సెస్ చేసుకుంటున్నారని నిపుణులు చెబుతున్నారు. ఒకసారి ఫోన్ హ్యాక్ అయ్యాక, అందులోని వాట్సాప్ గ్రూపులను, కాంటాక్టులను టార్గెట్ చేసి మరింత మోసాలకు పాల్పడుతున్నారని తెలిపారు. ఫోన్ అసాధారణంగా వేడెక్కడం, బ్యాటరీ వేగంగా ఖాళీ అవడం, ఫోన్ పనితీరు నెమ్మదించడం వంటి లక్షణాలు కనిపిస్తే మీ డివైస్ ప్రమాదంలో ఉందని భావించాలన్నారు.
మీ WhatsApp హ్యాక్ అయ్యిందనిపిస్తే చేయాల్సినవి
- వెంటనే WhatsApp యాప్ను అన్ఇన్స్టాల్ చేయాలి.
- గూగుల్ ప్లే స్టోర్ నుంచి అధికారిక WhatsAppను తిరిగి ఇన్స్టాల్ చేసుకుని, మీ మొబైల్ నంబర్తో రీ-వెరిఫై చేయాలి.
- Two-Step Verification ఎనేబుల్ చేసి అకౌంట్ భద్రతను పెంచాలి.
- సెట్టింగ్స్లోకి వెళ్లి Call Forwarding ఆప్షన్ను ఆఫ్ చేయాలి.
- Install from Unknown Sources ఆప్షన్ను తప్పనిసరిగా డిసేబుల్ చేయాలి.
- ఎలాంటి యాప్ అయినా గూగుల్ ప్లే స్టోర్ నుంచే డౌన్లోడ్ చేయాలి.
- మీ ఫోన్లో మాల్వేర్ ఇన్స్టాల్ అయ్యిందని అనుమానం ఉంటే, ఫోన్ను రీసెట్ చేయడం ఉత్తమం.
- బ్యాంక్ ఖాతాల పిన్లు, పాస్వర్డ్లు తక్షణమే మార్చాలి.
- ముఖ్యమైన యాప్లకు పాస్కోడ్లు, బయోమెట్రిక్ లాక్లు తప్పనిసరిగా ఉంచాలి.
ఇంటర్నెట్ ద్వారా వచ్చే తెలియని లింకులు, APK ఫైళ్లను ఎప్పుడూ ఓపెన్ చేయకుండా జాగ్రత్తపడటం ద్వారా ఈ రకమైన మోసాల నుంచి రక్షించుకోవచ్చు.
Read hindi news : hindi.vaartha.com
Epaper : epapervaartha.com
Read Also: