ప్రముఖ స్మార్ట్ఫోన్ బ్రాండ్ రియల్మీ(Realme16Pro) తన ప్రజాదరణ పొందిన నంబర్ సిరీస్లో తొలిసారి ప్రత్యేక డిజైన్ కాన్సెప్ట్ను పరిచయం చేయబోతోంది. ఇప్పటివరకు ఫ్లాగ్షిప్ జీటీ సిరీస్కే పరిమితమైన ‘మాస్టర్ డిజైన్’ను ఇప్పుడు నంబర్ సిరీస్లోకి విస్తరించింది. ఈ కీలక అడుగులో భాగంగా ప్రపంచ ప్రసిద్ధ జపాన్ ఇండస్ట్రియల్ డిజైనర్ నవోటో ఫుకసావాతో కలిసి పని చేసింది. ఈ భాగస్వామ్య ఫలితంగా రూపొందిన రియల్మీ 16 ప్రో సిరీస్ను ‘అర్బన్ వైల్డ్ డిజైన్’ అనే కొత్త ఆలోచనతో త్వరలో మార్కెట్లోకి తీసుకురానున్నట్లు సంస్థ వెల్లడించింది.
Read Also: Srinivasulu Shetty: SBI యోనోలో 6,500 ఉద్యోగాలు: ఛైర్మన్
నగర యువతను ఆకట్టుకునే ‘అర్బన్ వైల్డ్’ భావన
సాంకేతికత అంటే కేవలం పనితీరు మాత్రమే కాదని, వినియోగదారుడికి కలిగే అనుభూతి కూడా అంతే ముఖ్యమని రియల్మీ భావిస్తోంది. నగర జీవనంలో వేగం, ఒత్తిడితో పాటు ప్రశాంతత కోసం తపనపడే యువతను దృష్టిలో పెట్టుకుని ఈ డిజైన్ను రూపొందించారు. ప్రకృతిలోని సహజత్వం, నిశ్శబ్దాన్ని పట్టణ జీవనశైలిలోని ఆధునికత, నాణ్యతతో మేళవించి ‘అర్బన్ వైల్డ్ డిజైన్’ను తీర్చిదిద్దారు. ఈ ఫోన్ను ఉపయోగించడం అంటే చేతిలో ఒక స్వేచ్ఛా ప్రపంచాన్ని పట్టుకున్న అనుభూతి కలిగించడమే లక్ష్యంగా కంపెనీ పేర్కొంది.
డిజైన్, మెటీరియల్లో ప్రత్యేకతలు
రియల్మీ 16 ప్రో(Realme16Pro) సిరీస్లో ప్రకృతి ప్రేరణతో రూపొందిన అంశాలు ప్రధాన ఆకర్షణగా నిలవనున్నాయి. గోధుమ పొలాల సహజ రంగుల నుంచి ప్రేరణ పొందిన ‘మాస్టర్ గోల్డ్’, సహజ రాళ్ల నిశ్శబ్దాన్ని ప్రతిబింబించే ‘మాస్టర్ గ్రే’ కలర్ ఆప్షన్లు అందుబాటులోకి రానున్నాయి.
స్మార్ట్ఫోన్ రంగంలోనే తొలిసారిగా బయో-బేస్డ్ ఆర్గానిక్ సిలికాన్ను వెనుక భాగంలో ఉపయోగించారు. ఇది పర్యావరణహితంగా ఉండటమే కాకుండా, చర్మానికి అనుకూలంగా మృదువైన స్పర్శను ఇస్తుంది. వెనుక ప్యానెల్ నుంచి కర్వ్డ్ డిస్ప్లే వరకు ‘ఆల్-నేచర్ కర్వ్ డిజైన్’ ఉండటం వల్ల ఫోన్ను పట్టుకోవడం మరింత సౌకర్యవంతంగా మారింది.
ప్రీమియం లుక్కు ఆధునిక టచ్
సహజమైన డిజైన్కు ఆధునిక హంగులు జోడిస్తూ కెమెరా మాడ్యూల్ వద్ద మెటల్ మిర్రర్, వోల్కానిక్ డెకోను ఉపయోగించారు. లగ్జరీ పీవీడీ క్రాఫ్ట్స్మన్షిప్, నానో స్థాయి మెటల్ కోటింగ్లతో రూపొందిన మెటాలిక్ మిడ్-ఫ్రేమ్ ఫోన్కు ప్రీమియం లుక్తో పాటు గట్టి పట్టును అందిస్తుంది. కేవలం 8.49 మిల్లీమీటర్ల సన్నని డిజైన్తో ఈ ఫోన్ తేలికగా ఉండే అనుభూతిని ఇస్తుంది.
నంబర్ సిరీస్కు కొత్త గుర్తింపు
ఇంతకుముందు జీటీ మాస్టర్ ఎడిషన్, జీటీ 2 సిరీస్లలో ఫుకసావాతో కలిసి రియల్మీ సాధించిన విజయం తెలిసిందే. ఇప్పుడు తొలిసారిగా ఆయన డిజైన్ నైపుణ్యాన్ని నంబర్ సిరీస్కు తీసుకురావడం విశేషం. త్వరలో విడుదల కానున్న రియల్మీ 16 ప్రో సిరీస్, మధ్య-శ్రేణి స్మార్ట్ఫోన్ మార్కెట్లో డిజైన్ పరంగా కొత్త ప్రమాణాలను నెలకొల్పనుందని అంచనా వేస్తున్నారు.
Read hindi news: hindi.vaartha.com
Epaper : epaper.vaartha.com
Read Also: