Oracle Layoffs: ప్రముఖ అంతర్జాతీయ టెక్ సంస్థ ఒరాకిల్ (Oracle) తన ఉద్యోగులకు భారీ షాక్ ఇచ్చేందుకు సిద్ధమవుతోంది. ప్రస్తుతం ప్రపంచవ్యాప్తంగా కొనసాగుతున్న ఆర్టిఫిషియల్ ఇంటెలిజెన్స్ (AI) విప్లవానికి అనుగుణంగా సంస్థలో సమూల మార్పులు చేసేందుకు యాజమాన్యం ప్రణాళికలు రచిస్తోంది. ఇందులో భాగంగా వేలాది మంది ఉద్యోగులను తొలగించే (Layoffs) దిశగా అడుగులు వేస్తున్నట్లు సమాచారం. కంపెనీ చరిత్రలోనే ఇది అత్యంత భారీ పునర్వ్యవస్థీకరణ (Restructuring) కావచ్చని టెక్ నిపుణులు భావిస్తున్నారు.
Read Also :Karnataka Govt: పిల్లలకు సోషల్ మీడియా బ్యాన్పై నెట్టింట ప్రశంసలు
క్లౌడ్ మరియు టెక్ విభాగాలపై తీవ్ర ప్రభావం
ఈ భారీ లేఆఫ్స్కు ప్రధాన కారణం ఏఐ ప్రాజెక్టులపై పెడుతున్న భారీ పెట్టుబడులేనని తెలుస్తోంది. అత్యాధునిక ఏఐ డేటా సెంటర్ల నిర్మాణానికి మరియు నిర్వహణకు భారీగా నిధులు అవసరమవడంతో, ఇతర విభాగాల్లో ఖర్చులను తగ్గించుకోవాలని ఒరాకిల్ నిర్ణయించుకుంది. ముఖ్యంగా క్లౌడ్ కంప్యూటింగ్ మరియు టెక్నాలజీ విభాగాల్లో పనిచేస్తున్న వారిపై ఈ ఉద్యోగ కోతల ప్రభావం ఎక్కువగా ఉండవచ్చని సమాచారం. ఈ నెలలోనే ఈ ప్రక్రియకు సంబంధించిన అధికారిక ప్రకటన వెలువడే అవకాశం ఉంది.
ఆర్టిఫిషియల్ ఇంటెలిజెన్స్ వల్ల కొత్త అవకాశాలు వస్తున్నప్పటికీ, సంప్రదాయ టెక్నాలజీ విభాగాల్లో ఉన్నవారికి ఇది గండంగా మారింది. ఒరాకిల్ వంటి దిగ్గజ సంస్థలే ఖర్చుల తగ్గింపు పేరుతో ఉద్యోగాలను తొలగిస్తుండటం ఐటీ రంగంలో ఆందోళన కలిగిస్తోంది. భవిష్యత్తులో కేవలం ఏఐ నైపుణ్యాలు ఉన్నవారికే ప్రాధాన్యత ఉంటుందని, మిగిలిన వారు తమ నైపుణ్యాలను మెరుగుపరుచుకోవాల్సిన అవసరం ఉందని ఈ పరిణామాలు సూచిస్తున్నాయి.
Read Also hindi news: hindi.vaartha.com
Epaper : epaper.vaartha.com
Read Also :