సోషల్ మీడియా వేదికగా ప్రపంచవ్యాప్తంగా కోట్లాది మంది యువత వినియోగిస్తున్న ఇన్స్టాగ్రామ్లో టీనేజర్ల భద్రతను దృష్టిలో ఉంచుకుని మెటా సంస్థ ఒక ముఖ్యమైన నిర్ణయం తీసుకుంది. సినిమా పరిశ్రమలో అమలు చేస్తున్న PG-13 రేటింగ్ మాదిరిగా, ఇన్స్టాగ్రామ్లో కూడా ఇప్పుడు కంటెంట్ రేటింగ్ సిస్టమ్ను ప్రవేశపెట్టనుంది. అంటే, 13 ఏళ్లకు పైబడిన టీనేజ్ యూజర్లకు మాత్రమే తగిన కంటెంట్ చూపించే విధంగా ప్లాట్ఫారమ్ నియంత్రణలు అమలు కానున్నాయి. ఇది సోషల్ మీడియా వాడకంలో పెరుగుతున్న మానసిక ప్రభావాలు, అనారోగ్యకరమైన ట్రెండ్లను అరికట్టడంలో కీలకంగా మారుతుందని నిపుణులు భావిస్తున్నారు.
Today Rasi Phalalu : రాశి ఫలాలు – 15 అక్టోబర్ 2025 Horoscope in Telugu
మెటా వెల్లడించిన ప్రకారం, ఇన్స్టాగ్రామ్లో 18 ఏళ్ల లోపు ఉన్న ప్రతి యూజర్ను ఆటోమేటిక్గా 13+ కేటగిరీలో ఉంచనుంది. అంటే, ఈ వయసు గల యూజర్లు చూసే కంటెంట్కి కఠినమైన ఫిల్టరింగ్ అమలు అవుతుంది. డ్రగ్స్ వాడకం, హింసాత్మక వీడియోలు, అడల్ట్ లేదా అసభ్య కంటెంట్, అనారోగ్యకర జీవనశైలిని ప్రోత్సహించే పోస్టులు టీనేజ్ యూజర్ల ఫీడ్లో కనిపించకుండా నియంత్రణలు ఉంటాయి. ముఖ్యంగా పేరెంట్స్ అనుమతి లేకుండా పిల్లలు ఈ సెట్టింగ్స్ను మార్చే అవకాశం ఉండదు. ఈ చర్య ద్వారా పిల్లల ఆన్లైన్ అనుభవం సురక్షితంగా, ఆరోగ్యకరంగా ఉండే అవకాశం ఉందని మెటా స్పష్టం చేసింది.
ఇటీవలి కాలంలో సోషల్ మీడియా టీనేజర్లపై చూపుతున్న ప్రతికూల ప్రభావాల నేపథ్యంలో ఈ నిర్ణయం ఎంతో ప్రాధాన్యం సంతరించుకుంది. ఇన్స్టాగ్రామ్లో ఫేక్ ట్రెండ్స్, అనుచిత కంటెంట్, మరియు మానసిక ఒత్తిడిని పెంచే పోస్ట్లు యువతలో తీవ్ర సమస్యలుగా మారుతున్నాయి. అందుకే మెటా సంస్థ తల్లిదండ్రుల పాత్రను బలపరుస్తూ, పిల్లలకు అనుకూలమైన డిజిటల్ వాతావరణాన్ని సృష్టించడానికి ప్రయత్నిస్తోంది. నిపుణుల అభిప్రాయం ప్రకారం, ఈ రేటింగ్ వ్యవస్థ సరైన విధంగా అమలైతే టీనేజ్ యూజర్ల భద్రతను గణనీయంగా పెంచి, సోషల్ మీడియా వాడకాన్ని మరింత బాధ్యతాయుతంగా మార్చే అవకాశం ఉంది.
Read hindi news: https://hindi.vaartha.com
Epaper : https://epaper.vaartha.com/