ప్రపంచవ్యాప్తంగా కోట్లాది మంది ఉపయోగించే వాట్సాప్ (WhatsApp) ప్రతి రోజు కొత్త కొత్త ఫీచర్లను ప్రవేశపెట్టి తన వినియోగదారులను మరింత సౌకర్యవంతం చేస్తోంది. ఇప్పటికే మెసేజ్లు, వాయిస్ కాల్స్, వీడియో కాల్స్, ఫైల్ షేరింగ్ వంటి అనేక సౌకర్యాలను అందిస్తున్న వాట్సాప్ ఇప్పుడు కృత్రిమ మేధ (Artificial Intelligence) ఆధారిత ఒక కొత్త ఫీచర్ను వినియోగదారుల ముందుకు తీసుకువచ్చింది. ఈ ఫీచర్ పేరు ‘రైటింగ్ హెల్ప్’ (Writing Help).ఈ ఫీచర్ ప్రధాన ఉద్దేశ్యం వినియోగదారులు మెసేజ్ పంపేముందు దానిని మరింత సమర్థవంతంగా మార్చుకునే అవకాశం కల్పించడం. అంటే మనం టైప్ చేసిన మెసేజ్లో తప్పులు ఉంటే సరిచేయడం, వాక్యాన్ని మరింత క్లారిటీగా మార్చడం, లేదా మనం కోరుకున్న టోన్లో – ఉదాహరణకు ఫ్రెండ్లీ, ప్రొఫెషనల్, ఎమోషనల్ లేదా ఫార్మల్ – రాసే విధంగా మార్చడం ఈ ఫీచర్ ద్వారా సాధ్యమవుతుంది.
రైటింగ్ హెల్ప్ ఫీచర్ ఏమిటి?
సందేశాలను మరింత వృత్తిపరంగా, హాస్యంగా లేదా ప్రోత్సాహకరంగా మార్చడానికి ఈ రైటింగ్ హెల్ప్ ఫీచర్ ఏఐతో కూడిన సలహాలు ఇస్తుంది. ఉదాహరణకు, ‘దయచేసి మురికి సాక్స్లను సోఫాపై వదిలివేయవద్దు’ అనే సందేశాన్ని ‘బ్రేకింగ్ న్యూస్: సాక్స్లు సోఫాలో విశ్రాంతి తీసుకుంటున్నాయి’ లాంటి సరదా రీతిలో మార్చి ఇస్తుంది. తద్వారా చాటింగ్ను మరింత ఆసక్తికరంగా మలచవచ్చు.వినియోగదారుల గోప్యతకు అత్యంత ప్రాధాన్యత ఇస్తూ, వాట్సాప్ ఈ ఫీచర్ను మెటా ప్రైవేట్ ప్రాసెసింగ్ టెక్నాలజీ (Private processing technology) తో రూపొందించింది. దీనివల్ల అసలు సందేశాన్ని, లేదా ఏఐ సూచించిన మార్పులను మెటా, వాట్సాప్ చూసే అవకాశం ఉండదు. ఈ టెక్నాలజీ ఎన్క్రిప్టెడ్, అనామక మార్గంలో సందేశాలను పంపుతుంది. అందువల్ల వినియోగదారుల సమాచారం సురక్షితంగా ఉంటుంది.
భవిష్యత్ అంచనాలు
ఈ ఫీచర్ వాడకం పూర్తిగా వినియోగదారుల ఇష్టం మీద ఆధారపడి ఉంటుంది. డిఫాల్ట్గా ఇది డిసేబుల్ చేయబడి ఉంటుంది. వినియోగదారులు మెసేజ్ టైప్ చేస్తున్నప్పుడు కనిపించే పెన్సిల్ గుర్తును నొక్కి ఈ ఫీచర్ను ఆక్టివేట్ చేసుకోవచ్చు. ఈ ఫీచర్ మీరు ఎంపిక చేసుకున్న నిర్దిష్ట సందేశానికి మాత్రమే పని చేస్తుంది, పూర్తి చాట్కు కాదు. అలాగే, మీ అనుమతి లేకుండా ఏఐ రూపొందించిన సందేశాలను ఎప్పటికీ పంపదు.వాట్సాప్ ఇప్పటికే వ్యాపారాలకు ప్రత్యేకంగా WhatsApp Business ఫీచర్లు అందిస్తోంది. ఇక ఈ కొత్త AI ఫీచర్ ప్రవేశపెట్టడంతో వ్యాపార కమ్యూనికేషన్, కస్టమర్ సపోర్ట్ వంటి రంగాల్లో మరింత ఉపయోగకరంగా మారనుంది. అంతేకాకుండా, సాధారణ వినియోగదారులకు కూడా వ్యక్తిగత, అధికారిక సందర్భాల్లో సమర్థవంతమైన మెసేజింగ్ సాధ్యమవుతుంది.
వాట్సాప్ ఎప్పుడు ప్రారంభమైంది?
వాట్సాప్ 2009లో బ్రియాన్ యాక్టన్, జాన్ కౌమ్ అనే ఇద్దరు మాజీ యాహూ ఉద్యోగుల చేత ప్రారంభించబడింది.
వాట్సాప్ను ఎవరికి చెందినది?
2014లో ఫేస్బుక్ (ప్రస్తుతం మెటా) వాట్సాప్ను కొనుగోలు చేసింది.
Read hindi news: https://hindi.vaartha.com/
Read Also: