iPhone 18 Pro price: ఆపిల్ అభిమానులను ఉత్కంఠకు గురిచేస్తూ iPhone 18 Pro సిరీస్కు సంబంధించిన కీలక వివరాలు లీక్ అయ్యాయి. తాజా సమాచారం ప్రకారం, ఈసారి ఆపిల్ తన స్మార్ట్ఫోన్ డిజైన్లో పెద్ద మార్పుకు సిద్ధమవుతోంది. ఇప్పటివరకు గుర్తింపుగా ఉన్న డైనమిక్ ఐలాండ్ ఫీచర్ను తొలగించి, అండర్-డిస్ప్లే కెమెరా టెక్నాలజీతో iPhone 18 Pro మరియు iPhone 18 Pro Max మోడళ్లను విడుదల చేసే అవకాశం ఉందని టెక్ వర్గాలు చెబుతున్నాయి. దీంతో ఫుల్ స్క్రీన్ అనుభూతి మరింత మెరుగవుతుందని అంచనా.
Read Also: India vs New Zealand T20 :టీమ్ ఇండియా ఘన విజయం
హార్డ్వేర్ పరంగా చూస్తే, ఈ సిరీస్లో కొత్తగా 2nm టెక్నాలజీతో తయారైన A20 Pro చిప్ ను ఆపిల్ ఉపయోగించనున్నట్లు తెలుస్తోంది. ఇది ఇప్పటివరకు వచ్చిన చిప్లతో పోలిస్తే అధిక పనితీరు, మెరుగైన బ్యాటరీ సామర్థ్యం అందించనుందని సమాచారం. గేమింగ్, AI ఫీచర్లు, మల్టీటాస్కింగ్లో ఇది కీలక మార్పు తీసుకురావచ్చని నిపుణులు భావిస్తున్నారు.
కెమెరా విభాగంలోనూ iPhone 18 Pro సిరీస్ ప్రత్యేకంగా నిలవనుంది. మెకానికల్ ఐరిస్ టెక్నాలజీ ప్రవేశపెట్టే అవకాశముందని లీక్లు చెబుతున్నాయి. దీని ద్వారా లైటింగ్ పరిస్థితులకు అనుగుణంగా ఫోటో క్వాలిటీ మరింత మెరుగవుతుంది.
లాంచ్ విషయానికి వస్తే, భారత్లో 2026 సెప్టెంబరులో iPhone 18 Pro సిరీస్ విడుదల కావొచ్చని సమాచారం. ధరలు అంచనా ప్రకారం iPhone 18 Pro – రూ.1,34,900, iPhone 18 Pro Max – రూ.1,49,900 వరకు ఉండవచ్చని టెక్ వర్గాలు అంచనా వేస్తున్నాయి. అధికారిక ప్రకటన కోసం మాత్రం ఇంకా వేచి చూడాల్సిందే.
Read hindi news: hindi.vaartha.com
Epaper: epaper.vaartha.com
Read Also: