Instagram Instants: సోషల్ మీడియా దిగ్గజం మెటా (Meta) తన ఇన్‌స్టాగ్రామ్ ప్లాట్‌ఫారమ్ నుండి మరో సరికొత్త యాప్‌ను ప్రపంచానికి పరిచయం చేసింది. యువతను విశేషంగా ఆకట్టుకుంటున్న స్నాప్‌చాట్ (Snapchat), బీరియల్ (BeReal) వంటి యాప్‌లకు పోటీగా ‘ఇన్‌స్టాంట్స్’ (Instants) అనే క్విక్ ఫొటో షేరింగ్ అప్లికేషన్‌ను తీసుకువచ్చింది.
Read Also :Norway Social Media Ban: 16 ఏళ్ల లోపు పిల్లలకు సోషల్ మీడియా నిషేధం
‘రియల్ లైఫ్.. రియల్ క్విక్’ (Real Life, Real Quick)
ఈ యాప్ ప్రధాన ఉద్దేశ్యం కృత్రిమమైన ఎడిటింగ్ లేకుండా, అప్పటికప్పుడు జరిగే వాస్తవ సంఘటనలను స్నేహితులతో పంచుకోవడం.
ఇన్‌స్టాంట్స్ యాప్ ప్రత్యేకతలు:
- నో ఎడిటింగ్: ఈ యాప్‌లో ఫొటోలు తీసేటప్పుడు ఎలాంటి ఫిల్టర్లు లేదా ఎడిటింగ్ టూల్స్ ఉండవు. కేవలం టెక్స్ట్ మాత్రమే యాడ్ చేయవచ్చు.
- డైరెక్ట్ కెమెరా: కెమెరా రోల్ లేదా గ్యాలరీ నుండి పాత ఫొటోలను అప్‌లోడ్ చేసే వీలు లేదు. యాప్‌లో ఉన్న కెమెరాతో అప్పటికప్పుడు తీసిన ఫొటోలనే షేర్ చేయాలి.
- డిసప్పియరింగ్ ఫీచర్: అవతలి వారు ఫొటోను ఒక్కసారి మాత్రమే చూడగలరు. ఆ తర్వాత 24 గంటల్లో ఆ ఫొటో ఆటోమేటిక్‌గా డిలీట్ అవుతుంది.
- సింక్రొనైజేషన్: వినియోగదారులు తమ ఇన్‌స్టాగ్రామ్ ఖాతా ద్వారానే దీనిని ఉపయోగించవచ్చు. క్లోజ్ ఫ్రెండ్స్ లేదా మ్యూచువల్ ఫాలోవర్లతో సులభంగా కనెక్ట్ అవ్వవచ్చు.
Instagram Instants: ప్రస్తుతం ఎక్కడ అందుబాటులో ఉంది?
ప్రస్తుతం మెటా ఈ యాప్‌ను ప్రయోగాత్మకంగా స్పెయిన్, ఇటలీ దేశాల్లో విడుదల చేసింది. ఆండ్రాయిడ్ మరియు ఐఓఎస్ (iOS) వినియోగదారులకు ఇది అందుబాటులో ఉంది. అక్కడ లభించే స్పందనను బట్టి, త్వరలోనే భారత్ సహా ఇతర దేశాల్లోనూ దీనిని లాంచ్ చేయాలని ఇన్‌స్టాగ్రామ్ యోచిస్తోంది. ఫొటోలలో సహజత్వం (Authenticity) కోరుకునే వారికి, హడావిడి లేకుండా వేగంగా అప్ డేట్స్ పంచుకోవాలనుకునే వారికి ఈ యాప్ ఒక మంచి వేదిక కానుంది.
Read Also hindi news: hindi.vaartha.com
Read Also Epaper : epaper.vaartha.com
Read Also :
